შიდაგანხეთქილება ხელისუფლებაში - რას შეეწირა ზუგდიდის მერი ლაშა გოგია

პოლიტიკა - 11:13, 13 Sep, 2018

5424

სამეგრელოში დიდი წმენდა დაიწყო - „ნიუპოსტის“ ინფორმაციით, ზუგდიდის მერის თანამდებობა სკანდალურმა აუდიო-ჩანაწერმმა შეიწირა. საუბარია ე.წ. ატკატებზე. როგორც გავლენიანი წყარო გვიყვება, ლაშა გოგია, ბიზნესმენმა ზურაბ კვირკიამ ჩაწერა.

ჩანაწერში ბიზნესმენი მაღალჩინოსანოსნებს კონკრეტული მიწის სანაცვლოდ გადახდილი გარკვეულ თანხის უკან დაბრუნებას სთხოვს.

წყარო ირწმუნება, რომ სკანდალურ ჩანაწერში სამეგრელოს გუბერნატორის, ლევან შონიას გვარი და ასევე, ვიცე-მერის გია გულორდავას სახელიც ფიგურირებს. ("ჩანაწერი, საკმაოდ ხმაურიანია და მასში უწმაწური სიტყვები ისმის" - წყარო)

ჩანაწერის თანახმად, ბიზნესმენმა წინასწარ შერჩეულ ნაკვეთებში თანხა გადაიხადა, ზუგდიდელი მაღალჩინოსნებისგან კი მიიღო დაპირება, რომ ეკონომიკის სამინისტროში უშუამდგომლებდნენ და კვირკვია სასურველ მიწის ნაკვეთს, გარკვეული თანხის გადარიცხვის შემდეგ მიიღებდა.

როგორც სახელისუფლებო წყარო გვიყვება, გოგიამ ბიზნესმენს გარკვეული თანხა წინასწარ გამოართვა, თუმცა „მერე რაღაც შეიცვალა და ფულის დაბრუნება მოუწია“.

ჩანაწერში ბიზნესმენი გადახდილი თანხის უკან დაბრუნებას ითხოვს.

აღსანიშნავია, რომ წინა კვირას ლაშა გოგია სახელმწიფო უსაფრთხოების სამსახურში გამოკითხეს. ოფიციალური ინფორმაციით, მაღალჩინოსანს კითხვები „ბოტანიკური ბაღების მართვის ცენტრის“ საქმეზე დაუსვეს, თუმცა ჩვენი წყარო ამბობს, რომ ლაშა გოგიას მძიმე კითხვები სწორედ სამეგრელოში არსებულ კორუფციულ გარიგებებზე დაუსვეს. კითხვები ჰქონდათ სწორედ მიწის გადაცემის სკანდალსა და ფარულ ჩანაწერებზე.

"ნიუპოსტის" ინფორმაციით, უახლოეს პერიოდში თანამდებობის დატოვება მოუწევს ყოფილ ვიცე-მერ გია გულორდავასაც.