უნდა ვაღიარო, მეგონა, რომ ძველ ჩანაწერებზე იყო საუბარი და ვაღიარებ, რომ ეს ჩემი შეცდომა იყო - ეს განცხადება პარლამენტის ვიცესპკერმა თამარ ჩუგოშვილმა ტვ პირველის „დღის ამბები“ გააკეთა.

ჩუგოშვილი ამბობს, რომ მიუხედავად იმისა, როდინდელიც არ უნდა იყოს ჩანაწერი, კომპეტენტურმა პორგანოებმა ეს ფაქტი უნდა გამოიძიონ.

„ჩანაწერი, რომელზეც იბერია საუბრობს, არც აქვს ამას პრინციპული მნიშვნელობა, როდინდელია, ეს მინდოდა დამეზუსტებინა, როდინდელიც არ უნდა იყოს, შესაბამისი კომპეტენტური ორგანოების გამოსაკვლევია მათი ავთენტურობაც და ვადაც. არასწორად მეგონა, რომ ძველ ჩანაწერზე იყო საუბარი, არასწორი კომენტარი გავაკეთე, კითხვა დავუსვი ჟურნალისტს ვადასთან დაკავშირებით და ამან გამოიწვია აჟიოტაჟი“ - განაცხადა თამარ ჩუგოშვილმა.