ზეწოლა "იბერიაზე" - უჩა მამაცაშვილი განცხადებას ავრცელებს და პროკურატურას მიმართავს

პოლიტიკა - 16:19, 11 Sep, 2018

2152

ზეწოლა იბერიაზე - უჩა მამაცაშვილი სპეციალურ განცხადებას ავრცელებს, სადაც აღნიშნულია, რომ ივანიშვილის ნათესავი, მთავარ პროკურატურას მიმართავს, რომ „მისი სახელის საეჭვო და უკანონო გარიგებებში გამოყენებასთან დაკავშირებით“ გამოძიების დაწყება დაიწყონ.

„ლეგენდები ჩემი, ე.წ. ,,განსაკუთრებული გავლენების“ შესახებ არახალია და მას პერიოდულად თხზავენ ადამიანები, რომელთაც ამ ლეგენდის მეშვეობით უკანონო სარგებლის მიღება სურთ. გამონაკლისი, არც ,,ომეგა ჯგუფის“ ირგვლივ, ამ ბოლო დროს, მიმდინარე აჟიოტაჟია. ჩემთვის უცნობია, კონკრეტულ შემთხვევაში, საქმე გვაქვს ,,ომეგა ჯგუფის“ ხელმძღვანელების მხრიდან გამიზნულ პროვოკაციასთან, ყოფილი მაღალჩინოსნის არაჯანსაღ ინტერესებთან თუ სიყალბესთან. თუმცა, ყველა შემთხვევაში, ვიღაც აშკარად ცდილობდა ჩემი სახელის საეჭვო და უკანონო გარიგებებში გამოყენებას და ამ კამპანიას აშკარად პოლიტიკური ელფერი აქვს.

შესაბამისად, მივმართავ საქართველოს პროკურატურას, რათა დაუყოვნებლივ დაიწყოს გამოძიება აღნიშნულ ფაქტზე და ამომწურავი პასუხი გასცეს საზოგადოებაში გაჩენილ ლეგიტიმურ კითხვებს“, - ნათქვამია უჩა მამაცაშვილის განცხადებაში.