ტელეკომპანია „იბერიას“ ირგვლივ მიმდინარე მოვლენები - გუშინ გავრცელდა სკანდალური აუდიო ცანაწერი, რომლითაც ირკვევა, რომ უჩა მამაცაშვილი იბერაიას დამფუძნებლებს პრობლემის მოგვარებას ორი მილიონის სანაცვლოდ სთავაზობდა. აღნიშნულთან მიმართებით პროკურატურას გამოძიება ჯერ არ დაუწყია.

გამოძიების დაწყების აუცილებლობას ვერ ხედავს საპარლამენტო უმრავლესობის ნაწილი, ნაწილი კი თვლის, რომ მსგავსი ჩანაწერით საგამოძიებო ორგანო უნდა დაინტერესდეს.

„მამაღმერთის სახელიც რომ იყოს ნახსენები მნიშვნელობა არ აქვს, გეუბნებით, როცა ასეთი თემა არის სულერთია ვის ახსენებს გარდაცვლილ ბუტროს ბუტროს გალის, უჩა მამაცაშვილს, ლევან ყიფიანს, პრემიერს თუ ვის. საუბარია იმაზე, რომ ეს გამოძიებული უნდა იქნას, ავთენტურობა დადგენილი, მეორე საერთოდ რაზე ლაპარაკობს და ვინ მისცა უფლებამოსილება ასეთ სახელებზე ილაპარაკოს, ჩვენი ხელისუფლება ასეთ გარიგებებში არც კულუარებში და არც კულუარებს მიღმა არ შედის, მაგის რომ არ მჯეროდეს დამერწმუნეთ დღესვე მოვიხსნიდი უფლებამოსილებას.

იმ ფორმით, რაც შეიძლება იმსახურებდეს ეს ჩანაწერი რეაგირება დაწყებულია. ამაზე ამბის ატეხვა არ მიმაჩნია სწორად, კიდევ ერთხელ ვიმეორებ გადასახადები გადახდილი უნდა იყოს“-ამბობს საპარლამენტო უმრავლესობის წევრი აკაკი ზოიძე.