საქართველოს თავდაცვის მინისტრი ლევან იზორია აცხადებს, რომ ქვეყნის მტრები მზად უნდა იყვნენ იმისათვის, რომ საქართველო ნატო-ს წევრი გახდება. ამის შესახებ იზორიამ საერთაშორისო კონფერენციაზე, „მდოფლიო თავდაყირა - 2-18“ განაცხადა. იზორიას თქმით, საქართველო ნატო-სკენ სვლას არ შეწყვეტს:

„ჩვენ დავიწყეთ ტერიტორიული თავდაცვის მომზადება, ეს არის საქართველოს თავდაცვის პროგრამა, რათა დავიცვათ თავი მტრებისგან. ჩვენი მტრები მზად უნდა იყვნენ, რომ საქართველო გახდება ნატო-ს წევრი. ჩვენ დავიწყეთ რეფორმების გატარება, ახალი ეროვნული გეგმების განხორციელება. ჩვენ, შესაძლოა, გავაკეთეთ უფრო მეტი, ვიდრე ნატო-ს წევრმა ზოგიერთმა ქვეყანამ. ჩვენ შევამცირეთ პერსონალის ხარჯები და დარჩენილი თანხით შევისყიდეთ აღჭურვილობა. ამერიკისგან მუდმივ მხარდაჭერას ვგრძნობთ, უკვე მივიღეთ უსერიოზულესი ჯაველინების სისტემა, ახლა უნდა მივიღოთ საჰაერო სისტემა. მზად ვართ ნატო-სკენ გზა გავაგრძელოთ, როგორც საერთაშორისო დონეზე, ისე სახლში", - განაცხადა ლევან იზორიამ.