ტელეკომპანია „იბერიას“ საქმე - ჟურნალისტები და არხის დამფუძნებლები საქართველოს პრეზიდენტს, გიორგი მარგველაშვილს ხვდებიან. ჟურნალისტები პროკურატურისგან გამოძიებასა და იმის დადგენას ითხოვენ, თუ ვინ და რატომ ახორციელებდა ზეწოლას ტელეკომპანიის დამფუძნებლებზე. პრეზიდენტის საპარლამენტო მდივანი ანა ნაცვლიშვილი აცხადებს, რომ დანაშაულის ნიშნების შემცველი ჩანაწერის მედიასივრცეში გავრცელება საკმარისი მიზეზია იმისთვის, რომ პროკურატურამ გამოძიება დაიწყოს.

„სისხლის სამართლის კოდექსი, რომელიც ამ ქვეყანაში მოქმედია ცალსახად განსაზღვრავს რომე ნებისმიერი ინფორმაცია, რომელიც შეიძლება შეიცავდეს დანაშაულის ნიშნებს არ საჭიროებს იმას, რომ მაინცდამაინც შესაძლო დაზარალებულმა მიმართოს პროკურატურას. პროკურატურას აქვს ვალდებულება რომ საჰარო სივრცეში ამ ტიპის ინფორმაციის გავრცელების შემთხვევაში ავტომატურად დაიწყოს სამართლებრივი პროცედურები“-ამბობს ანა ნაცვლიშვილი.