„შემრცხვა როგორც ამ ქვეყნის მოქალაქეს, სრულიად უმწიფარი პოლიტიკოსის გამოსვლა ამდენი სტუმრის თვალწინ, მძიმე მოსასმენი იყო“,

„შემრცხვა როგორც ამ ქვეყნის მოქალაქეს, სრულიად უმწიფარი პოლიტიკოსის გამოსვლა ამდენი სტუმრის თვალწინ, მძიმე მოსასმენი იყო“, - გვარამია პრემიერზე

პოლიტიკა - 13:00, 11 Sep, 2018

2468

"რუსთავი 2"-ის გენერალურმა დირექტორმა, ნიკა გვარამიამ მაკკეინის ინსტიტუტის ორგანიზებით მიმდინარე საერთაშორისო კონფერენციაზე მამუკა ბახტაძის გამოსვლა შეაფასა. გვარამიას თქმით, მას შერცხვა საკუთარი ქვეყნის ხელისუფლების გამო, რადგან მამუკა ბახტაძეს არც ერთ კითხვაზე პასუხი არ ჰქონია:

„მე ასე არასდროს შემრცხვენია საკუთარი ქვეყნის ხელისუფლების გამო, ჩვენ ვიხილეთ სრულიად უმწიფარი პოლიტიკოსის გამოსვლა, პრემიერ-მინისტრს ვგულისხმობ, რომელსაც, პრაქტიკულად, არც ერთ შეკითხვაზე პასუხი არ ჰქონდა. შემრცხვა როგორც ამ ქვეყნის მოქალაქეს. ასეთ წარმომადგენლობით ფორუმზე ძალიან მკაფიოდ ჩანს ხოლმე, რომ ადამიანები არიან უბრალოდ უვიცები პოლიტიკაში და ამ შემთხვევაში პრემიერ-მინისტრს ეს ძალიან მკაფიოდ ეტყობოდა. ჩვენ ვიცით ქვეყნის შიგნით, რომ პრემიერ-მინისტრი მარტო იმიტომ არის პრემიერ-მინისტრი, ბიძინა ივანიშვილს არ შეეწინააღმდეგოს, მაგრამ ქვეყნის გარედან ჩამოსული ამდენი სტუმრის თვალწინ ამის მოსმენა ძალიან მძიმე იყო,“- განაცხადა ნიკა გვარამიამ.