რუსეთში 1981 წლის შემდეგ ყველაზე მასშტაბური სამხედრო წვრთნები დაიწყო. „ვოსტოკ 2018“- ში მონაწილეობას იღებს 300 ათასი სამხედრო მოსამსახურე, 1000-ზე მეტი თვითმფრინავი, ვერტმფრენი და უპილოტო საფრენი აპარატი. 36 ათასი ტანკი, ჯავშანტრანსპორტიორი და სხვა ტექნიკა, ასევე 80 ხომალდი.

რუსეთის შეიარაღებული ძალების საერთო რაოდენობა, თითქმის ერთ მილიონამდეა, წვრთნებში მონაწილეთა რაოდენობის მიხედვით გამოდის, რომ „ვოსტოკ 2018“- ში არმიის მესამედი იღებს მონაწილეობას.

„ვოსტოკ 2018“ ცენტრალურ და აღმოსავლეთ სამხედრო ოლქების თითქმის ყველა პოლიგონზე ჩატარდება, მასში მონაწილეობას მიიღებს წყნარი ოკეანის და ჩრდილოეთ ფლოტები.

სწავლება „ვოსტოკ 2018“ 11-15 სექტემბრის პერიოდში ჩატარდება. სწავლებაში მონაწილეობას მიიღებენ ჩინელი და მონღოლი სამხედრო მოსამსახურეებიც.