ტელეკომპანია „იბერიას“ საქმეზე და სკანდალურ აუდიო ჩანაწერზე, რომელშიც ბიძინა ივანიშვილის დეიდაშვილი, უჩა მამაცაშვილი ფიგურირებს, პროკურატურას გამოძიება ამ დრომდე არ დაუწყია.

ოპოზიცია საგამოძიებო ორგანოს დროული რეაგირებისკენ მოუწოდებს.

„მიზანი არის ერთადერთი, რომ ტელევიზია ჩაიგდონ ხელში, ის ტელევიზია, რომელიც მათ არ ემორჩილებათ. ამას ჩვენ ვუყურებთ უკვე წლებია, 2012 წლიდან მოყოლებული ჩვენ ვუყურებთ თუ როგორ უსწორდება „ქართული ოცნება“ თავისუფალ მედიას. ვინ უნდა დასახელდეს კიდევ, რომ პროკურატურამ გაიღვიძოს და სიმბოლურად მაინც აღძრას საქმე,“-აცხადებს ენმ-ს წევრი ზაალ უდუმაშვილი.

გამოძიების დაწყების აუცილებლობაზე საუბრობს „შენების მოძრაობის“ ლიდერი დავით უსუფაშვილიც.

„მივმართავ ახლად დანიშნულ მთავარ პროკურორს, რომ ეს საქმე შიძლება იყოს მისი პირველი მთავარი გამოცდა. გამოძიება არ უნდა იყოს რთული, ვინაიდან ამ პროცესში მონაწილე ერთი მინიმუმ ერთი მხარე, ბატონი ოქუაშვილი არის მზად, რომ ბოლომდე ამხილოს ამ დანაშაულებრივ დაჯგუფებაში, თუ პროცესში მონაწილე ადამიანები,“-განაცხადა დავით უსუფაშვილმა.

პროკურატურის მხრიდან საქმის გამოძიების იმედი არ აქვთ „ევროპული საქართველოს“ წევრებს.