ნიქაბისა და ჩადრის ტარება საზოგადოებრივი თავშეყრის ადგილებში შესაძლოა აიკრძალოს - აღნიშნული კანონპროექტი პარლამენტში ემზარ კვიციანმა და ზვიად ტაბიძემ წარადგინეს.

ცვლილებები ადმინისტრაციულ სამართალდარღვევათა კოდექსის 169-ე პრიმა მუხლში უნდა შევიდეს და ის პირველ ჯერზე 500 ლარიან, ხოლო განმეორებით შემთხვევაში 1500 ლარიან ჯარიმას ითვალისწინებს.

კანონპროექტის ავტორები აცხადებენ, რომ გარკვეული რეგულაციები აუცილებელია, რადგან მსგავსი ტიპის სამოსში პირის იდენტიფიცირება შეუძლებელია.

ერთი თვის ვადაში გადაწყდება, დაუჭერენ თუ არა დეპუტატები აღნიშნულ ინიციატივას მხარს.

„ეს არ არის კავშირში რელიგიასთან, მე ყველა რელიგიას პატივს ვცემ, ეს არის უსაფრთხოების საკითხი,“-აცხადებს „საქართველოს დემოგრაფიული საზოგადოება 21"-ის ხელმძღვანელი ზვიად ტომარაძე.