„სალომე ზურაბიშვილი, როგორც პუტინის კანდიდატი, ამ ქვეყანაში ვერ უნდა გახდეს საქართველოს პრეზიდენტი“

„სალომე ზურაბიშვილი, როგორც პუტინის კანდიდატი, ამ ქვეყანაში ვერ უნდა გახდეს საქართველოს პრეზიდენტი“ - ნიკა მაჭუტაძე

პოლიტიკა - 13:13, 10 Sep, 2018

1524

„ძალა ერთობაშიას“ ლიდერი ნიკა მაჭუტაძემ საპრეზიდენტო არჩევნებში სალომე ზურაბიშვილის მხარდაჭერის შესახებ მმართველი გუნდის გადაწყვეტილებას ეხმაურება.

„სალომე ზურაბიშვილი, როგორც პუტინის კანდიდატი, ამ ქვეყანაში ვერ უნდა გახდეს საქართველოს პრეზიდენტი“ - თქვა მაჭუტაძემ თემის კომენტირებისას.

„ჩემთვის მთავარია არა ასეთი ელექტორალური ციფრობრივი და რიცხობრივი წინასწარმეტყველებები, არამედ შინაარსები, რომელსაც წარმოადგენს ქალბატონი ზურაბიშვილი საქართველოს საზოგადოებრივი პოლიტიკური სინამდვილის წინაშე. ეს სინამდვილე ნამდვილად არ ითვალისწინებს ქართველი ხალხის სახელმწიფოებრივ და ეროვნულ საჭიროებებსა და ინტერესებს. ქალბატონი ზურაბიშვილი აცდენილია ქართულ სასიცოცხლო აუცილებლობებს, რაც გულისხმობს დეოკუპაციასა და სუვერენიტეტს იმ პროცესების მიმართ, რაც ქვეყანაში უნდა მიმდინარეობდეს, იმ ქვეყანაში, რომელიც ოკუპირებულია.

ეს ქალბატონი არ გახლავთ დამოუკიდებელი კანდიდატი. ის არის ივანიშვილის კანდიდატი, რუსული ნარატივის კანდიდატი, ვინაიდან თავის თავსა და პოლიტიკურ იდენტობას ამხელს იმ ანტისახელმწიფოებრივი განცხადებებით, რომლითაც უკანასკნელი ათი წელიწადია, ხასიათდება. სალომე ზურაბიშვილი, როგორც პუტინის კანდიდატი, ამ ქვეყანაში ვერ უნდა გახდეს საქართველოს პრეზიდენტი“, - განაცხადა ნიკა მაჭუტაძემ.