„არ დავუშვებთ, რომ თავისუფლების სივრცე იყოს ლიკვიდირებული“ – „ძალა ერთობაშია“ ტელეკომპანია „იბერიას“ სოლიდარობას უცხადებს

პოლიტიკა - 12:25, 10 Sep, 2018

993

გაერთიანებული ოპოზიციის „ძალა ერთობაშიას“ წევრმა ნიკა მაჭუტაძემ, დღეს მედიაგარემოს წინააღმდეგ მიმდინარე მოვლენებთან დაკავშრებით საგანგებო განცხადება გააკეთა.

მაჭუტაძემ გაერთიანებული ოპოზიციის სახელით ტელეკომპანია „იბერიას“ წინააღმდეგ მიმდინარე მოვლენებზე ისაუბრა:

„ჩვენ ძალიან კარგად ვხედავთ იმ სახელისუფლებო ტერორს, სახელისუფლებო რეპრესიებს, რომელიც მიმდინარეობს თავისუფალი, დამოუკიდებელი მედიაორგანიზაციების წინააღმდეგ და რომელიც მიმართულია ამ ქვეყანაში სიტყვის თავისუფლების მოშლისათვის. ჩვენ, როგორც ამ ქვეყნის მოქალაქეები და ქვეყნის მთავარი პოლიტიკური ცენტრი, კატეგორიულად ვგმობთ ამ სახელიუფლებო რეპრესიებს და ვაცხადებთ, რომ ჩვენ, ქართული საზოგფადოება, ქართული პოლიტიკური სპექტრი არავის დავუთმობთ უმთავრეს მონაპოვარს, ქართველი ხალხის უმთავრეს მონაპოვარს, ეს არის სიტყვის თავისუფლება, ეს არის სამოქალაქო უფლებები და თავისუფლებები. ჩვენ ამ შემთხვევაში არ ვიბრძვით მხოლოდ ერთი მედიასაშალების დასაცავად, ჩვენი დაცვა ტელეკომპანია „იბერიისა“, არის არამხოლოდ ერთი მედიასაშუალების დაცვა, არამედ მთელი ქართული დემოკრატიის, თავისუფლების და სახელმწიფოებრიობის გამოსარჩლებაც. ქვეყანაში ძალა კი არ უნდა იყოს კანონი, არამედ კანონი უნდა იყოს ძალა, ეს არაკანონიერი, ანდიადამიანური, ანტიზნეობრივი და ანტისახელმწიფოებრივი ქმედებები, რომელიც მიმდინარეობს დამოუკიდებელი მედიაორგანიზაციების წინააღმდეგ და ჩვენ კარგად გვახსოვს რუსთავი 2-ის ქეისი, საბედნიეროდ ევროპის პოლიტიკური და სამართლებრივი ინსტიტუტების მეოხებით და დახმარებით ხელისუფლებამ ვერ მოახერხა „რუსთავი 2“-ის წაღება და შემდეგ უკვე მიადგა ტელეკომპანია „იბერიას“, როგორც განსაკუთრებული და თავისუფალი სივრცის შემქმნელს საზოგადოებრივ-პოლიტიკურ სინამდვილეში. სივრცისა, სადაც ისმის ყველა პოლიტიკური და სოციალური ჯგუფის ხმა, ჩვენთვის მნიშნელოვანია ტელეკომპანია „იბერიას“ და ყველა მედიასაშუალების სუვერენულობის უზრუნველყოფა და მისი დაცვა, შესაბამისად მოვუწოდებთ ქართულ საზოგადოებას გავაკეთოთ ყველაფერი, რათა არ დავუშვათ ამ მედიასაშალების უზურპაციას ხელისუფლების მხრიდან, ჩვენ არ დავუშვებთ იმას, რომ თავისუფლების სივრცე და პროცესი იყოს ლიკვიდირებული, განსაკუთრებით წინასაარჩევნო პერიოდში“, - განაცხადა ნიკა მაჭუტაძემ.