"ქართული პროვინციალიზმის და ფრანგული აროგანტულობის ჯოჯოხეთური კოქტეილი - ზურაბიშვილის საერთაშორისო არენაზე გამოჩენა ტრაგედიაა"

პოლიტიკა - 12:08, 10 Sep, 2018

2030

გაერთიანებული ოპოზიციის საპრეზიდენტო კანდიდატის, გრიგოლ ვაშაძის განცხადებით, "ქართული ოცნების" გადაწყვეტილება არჩევნებზე სალომე ზურაბიშვილის მხარდაჭერასთან დაკავშირებით, მოსალოდნელი იყო.

ვაშაძის განცხადებით, ზურაბიშვილის გამარჯვების შემთხვევაში საქართველოს საერთაშორისო რეპუტაციას ჩრდილი მიადგება.

„საკითხი იმაშია, რას მისცემს ის ქართველ ხალხს და მე თქვენ გეტყვით, ეს რას მისცემს ქართველ ხალხს. ეს მისცემს დემოკრატიისადმი ყოველგვარი ნდობის დაკარგვას, ეს მისცემს იმას, რომ ხალხი სულ უფრო უნდობლობით შეხედავს პოლიტიკურ კლასს და სახელმწიფო ინსტიტუციებს და ჩვენი მოკავშირეები სულ უფრო უნდობლობით უყურებენ საქართველოში დემოკრატიის ხარისხს, ეს არის ტრაგედია.

სალომე ზურაბიშვილის საგარეო პოლიტიკა რას ნიშნავს მე არ ვიცი, იმიტომ, რომ ასეთი რამ ბუნებაში არ არსებობს და ეს ქალბატონი არის ქართული პროვინციალიზმის და ფრანგული აროგანტულობის იმისთანა ჯოჯოხეთური კოქტეილი, რომ ჩვენს საგარეო პოლიტიკას კი არა, ჩვენს რეპუტაციას მოსპობს მაგის გამოჩენა საერთაშორისო არენაზე,“ - განაცხადა გრიგოლ ვაშაძემ.

მმართველმა პარტიამ სალომე ზურაბიშვილს მხარდაჭერა გუშინ, პოლიტსაბჭოს სხდომის დასრულების შემდეგ გამოუცხადა.