გაერთიანებული ოპოზიციის „ძალა ერთობაშიას“ წარმომადგენლები და საპრეზიდენტო კანდიდატი, გრიგოლ ვაშაძე რუსთავის მოსახლეობას შეხვდნენ.

რუსთავის მოსახლეობა აცხადებს, რომ მათი მთავარი პრობლემა უმუშევრობა და მძიმე სოციალური მდგომარეობაა.

„დრო არის ეს ხელისუფლება გავისტუმროთ მოუსავლეთში, საიდანაც მოვიდნენ და ეროვნული მთავრობა მოვიყვანოთ ხელისუფლებაში, რომელიც მიხედავს საქართველოს და მიხედავს ქართველს იმიტომ, რომ საზღვრები დაუცველი გვაქვს, ეკონომიკა გაჩერებული არის და ქვეყანაში უაღრესი პოლიტიკური, ეკონომიკური და სოციალური კრიზისი არის. არჩევანი არის ჩვენზე, ჩვენ ამ არჩევანს ვიგებთ ზუსტად იმიტომ, რომ ქართველი ფიზიკურად გადარჩეს,“ - განაცხადა გრიგოლ ვაშაძემ.