რუსეთი და ასადი იდილბის იმ ნაწილზე აპირებენ შეტევას, სადაც ამერიკელი ჯარისკაცები იმყოფებიან

რუსეთი და ასადი იდილბის იმ ნაწილზე აპირებენ შეტევას, სადაც ამერიკელი ჯარისკაცები იმყოფებიან - რა რეაქცია ექნება აშშ-ს

მსოფლიო - 16:35, 07 Sep, 2018

2233

აშშ-ის ოფიციალური პირების ინფორმაციით, რუსეთმა ორჯერ გააფრთხილა ვაშინგტონი, რომ დიქტატორ ბაშარ ასადის არმიასთან ერთად მისი შეიარაღბული ძალები აპირებენ შეტევის განხორციელებას იდლიბის რაიონში, რომელსაც აშშ-ის არმიის ქვედანაყოფები აკონტროლებენ. რუსეთი აცხადებს, რომ ამ რეგიონში ტერორისტები არიან გამაგრებული.

ამერიკელი სამხედრო მეთაურები აცხადებენ, რომ უზუსტო დაბომბვების შედეგად შესაძლოა At Tanf-ში დისლოცირებული მათი სამხედროები დაზარალდნენ. მათ მოსკოვის წარმომადგენლები გააფრთხილეს, რომ აშშ არ დაუშვებს რეგიონში მისი შეიარაღებული ძალების ყოფნის საკითხის გადახედვას. აშშ-ის ჯარისკაცებს რეგიონში აქვთ თავდაცვის უფლება და თუ მათ საფრთხე დაემუქრებათ, ამან შეიძლება კონფრონტაცია გამოიწვიოს.

ამასთან კვირის დასაწყისში აშშ-ის პრეზიდენტმა დონალდ ტრამპ,მა რუსეთი და ირანი გააფრთხილა, რომ თუ ასადი ქიმიურ იარაღს გამოიყენებს, აშშ მას მკაცრ პასუხს გასცემს. მედიის ცნობით, ამერიკელ სამხედროებს უკვე გადაცემული აქვთ სირიის იმ ობიექტების სია, რომლებზე საჭიროების შემთხვევაში თვადასხმა განხორციელდება.