კვიპროსში 2 ქართველი ქალი დააკავეს - დაკავებულები არაადამიანურ პირობებში არიან და დახმარებას ითხოვენ

პოლიტიკა - 09:38, 07 Sep, 2018

1524

კვიპროსში, ლარნაკას საპატიმროში მყოფი საქართველოს მოქალაქეები დახმარებას ითხოვენ. ისინი კუნძულზე ტურისტულად ჩავიდნენ, რა დროსაც მესაზღვრეებმა გაურკვეველი მიზეზით დააკავეს..

საქართველოს მოქალაქეები, კვიპროსელი სამართალდამცველების მხრიდან არაადამიანურ მოპყრობაზე საუბრობენ.

„სამი ქალბატონია საპატიმროში, არაადამიანურ პირობებში, სადაც არც წყალი აქვთ, არც საკვები არც საჭირო მედიკამენტები. პირველ რიგში ვითხოვთ იმას, რომ მოხდეს ამ ადამიანების ადამიანურ პირობებში გადაყვანა. თუ ეს ადამიანები უნდა დაბრუნდნენ საქართველოში, დაბრუნდნენ დროულად. საელჩო, რომელიც არის საბერძნეთის ტერიტორიაზე, მათი მხრიდან არანაირ დახმარებაზე არ არის საუბარი,“-აცხადებს „კურიერთან“ საუბრისას ნატა რაჟამაშვილი.

ინფორმაციას საქართველოს მოქალაქეების დაკავების შესახებ ადასტურებენ საგარეო საქმეთა სამინისტროში. უწყებაში აცხადებენ, რომ დაკავების მიზეზი მათთვისაც უცნობია, რადგან ქართველების დაკავება მესაზღვრის გადაწყვეტილებით მოხდა. უწყების ინფორმაციით კვიპროსში საქართველოს საკონსულო დაკავებულებთან მუდმივ კონტაქტზეა და პრობლემის მოსაგვარებლად მუშაობენ.