ოკუპირებულ ახალგორში რუსული სკოლის გახსნას საქართველოს საგარეო საქმეთა მინისტრი გამოეხმაურა.

დავით ზალკალიანის შეფასებით ეს ფაქტი ოკუპაციის, ფაქტობრივი ანექსიისა და იმ უკანონო ქმედებების ნაწილია, რომელიც ოკუპირებულ ტერიტორიებზე მიმდინარეობს.

„ჩვენ მსგავსი ფაქტები გვაქვს ოკუპირებულ აფხაზეთის ტერიტორიაზე, სადაც აქტიურად მიმდინარეობს ქართულ ენაზე სწავლის აკრძალვა და ბუნებრივია, ეს არის ნორმების უხეში დარღვევა, რაზეც ჩვენ მუდმივად ვსაუბრობთ ყველა ფორუმზე ჩვენს პარტნიორებთან. მთავარი გზავნილი ჩვენი სტრატეგიული პარტნიორების მხრიდან არის, რომ ეს საკითხი მუდმივად იყოს მათი რუსეთის ფედერაციასთან ურთიერთობის დღის წესრიგში“, - თქვა მინისტრმა.