„დაიწყოს სისხლის სამართლებრივი დევნა მიხეილ კალანდიას მიმართ... საკმარისი მტკიცებულებებია, რომ ის მონაწილეობდა დავით სარალიძის ჯგუფურად განზრახ მკვლელობაში“

„დაიწყოს სისხლის სამართლებრივი დევნა მიხეილ კალანდიას მიმართ... საკმარისი მტკიცებულებებია, რომ ის მონაწილეობდა დავით სარალიძის ჯგუფურად განზრახ მკვლელობაში“ - კაპანაძე

პოლიტიკა - 12:48, 06 Sep, 2018

1306

საქართველოს პარლამენტის დროებითი საგამოძიებო კომისიის თავმჯდომარე, „ევროპული საქართველოს“ წევრი სერგი კაპანაძე ხელისუფლებას კომისიის მიერ დამტკიცებული 32 რეკომენდაციის შესრულებისკენ მოუწოდებს.

მისი თქმით, საქმეში გამოიკვეთა ერთ-ერთი მთავარი მოწმის, მიხეილ კალანდიას მონაწილეობა და გაიცა რეკომენდაცია, რომ მის მიმართ დაიწყოს სისხლის სამართლებრივი დევნა.

„ჩვენ ძალიან დიდი სამუშაო გავწიეთ. 80-მდე ახსნა- განმარტება მივიღეთ. უზარმაზარი მასალა შევისწავლეთ შსს-ს და პროკურატურის თანამშრომლები დავიბარეთ აქ მათ გავესაუბრეთ. ისევე როგორც გვქონდა ახსნა-განმარტების მოსმენა შსს მინისტრისგან, ყოფილი მთავარი პროკურორისგან და იუსტიციის მინისტრისგან. საბოლოო ჯამში იქნა კომისიის მიერ დადგენილი რამდენიმე მნიშვნელოვანი გარემოება და გამოტანილი რამდენიმე მნიშვნელოვანი დასკვნა. პირველი, ჩვენ ამ დასკვნის ფარგლებში, ისევე როგორც შუალედურად მივმართეთ მთავარ პროკურატურას, რომ მან დაიწყოს სისხლის სამართლებრივი დევნა მ.კ.-ს მიმართ. გამომდინარე იქიდან რომ ჩვენ გვაქვს საკმარისი მტკიცებულებები იმის სავარაუდოდ რომ ის მონაწილეობდა დავით სარალიძის ჯგუფურად განზრახ მკვლელობაში. ჩვენ კომისიის ფარგლებში დავადგინეთ კონკრეტული გარემოებები. მათშორის ისიც, რომ მას ხელთ ჰქონდა კონკრეტული საგანი, როგორც ჩხუბამდე, ასევე, რომ მას ის იყენებდა ჩხუბის პროცესში და საუბრობდა ასევე ჩხუბის შემდეგ და საუბრობდა, რომ ამ საგანს ურტყამდა დავით სარალიძეს. ცდილობდა, რომ ის დაეგდო მაგრამ ეს ვერ მოახერხა. დასკვნაში მირზა სუბელიანთან მიმართებაში პროკურატურის მაღალჩინოსნების პასუხისმგებლობაზეც არის საუბარი და პროკურორი ფხაკაძე, რომელთა მიმართაც გამოძიება უნდა დაიწყოს მინიმუმ გულგრილობის და თანამდებობის ბოროტად გამოყენების მუხლებით უნდა დაიწყოს" - " - აღნიშნა საგამოძიებო კომისიის თავმჯდომარემ.