ნეპოტიზმი ზუგდიდის 67-ე საარჩევნო კომისიაში - ანი წითლიძის თქმით, "ზუგდიდის საოლქო კომისიის წევრები არჩევნების გასაყალბებლად ემზადებიან"

პოლიტიკა - 19:04, 05 Sep, 2018

1074

ენმ -ს ზუგდიდის ორგანიზაციის თავმჯდომარე ანი წითლიძე ზუგდიდის 67-ე საოლქო საარჩევნო კომისიაში არსებულ ნეპოტიზმსა და დამოუკიდებელი წევრების პოლიტიკურ კუთვნილებაზე საუბრობს.

წითლიძე ამბობს, რომ ზუგდიდის საოლქო კომისიის წევრები არჩევნების გასაყალბებლად ემზადებიან .

ამასთან, როგორც ენმ-ს წევრმა აღნიშნა, ზუგდიდის საოლქო საარჩევნო კომისიის თავმჯდომარე მირანდა მესხი ცესკოს თავმჯდომარის თამარ ჟვანიას შვილის ნათლიაა.

წითლიძის განცხადებით, ზუგდიდის საოლქო საარჩევნო კომისიის წევრები ნანა ოყუჯავა, ნანა შენგელია, ნანა გოგინავა, ლელა ლაშხია და ხათუნა დავიანთი როგორც დამოუკიდებელი წევრები ისე არიან კომისიაში შენიღბულები, სინამდვილეში კი ზოგიერთი მათგანი "ქართული ოცნების" აქტივისტია, ზოგი კი თანამდებობის პირების ახლო ნათესავი.

„ზუგდიდში, ისევე, როგორც მთელ საქართველოში, არჩევნებს ატარებს თამარ ჟვანია და „ქართული ოცნება“. ზუგდიდის საოლქო საარჩევნო კომისიის თავმჯდომარე მირანდა მესხი არის ცესკო-ს თავმჯდომარის თამარ ჟვანიას შვილის ნათლია, მესხის მოადგილის ნანა ოყუჯავა ზუგდიდის მერის ლაშა გოგიას შვილის ნათლიაა, ნანა შენგელია მერაბ ქვარაიას ნათესავია, ნანა გოგინავა, რომელიც ერთ-ერთი ააიპ-ის თანამშრომელია, მერის მოადგილის მაიზერ ნანავას რეკომენდაციითაა დანიშნული. ხათუნა დავიანტიც მერიის მაღალჩინოსნის ნათესავია, ლელა ლაშხიაც „ქართული ოცნების“ ინტერესების გამტარებელია. თითოეული მათგანი წარმოადგენს მხარეს და ატარებს „ქართული ოცნების“ ინტერესებს. ჩვენ ვითხოვთ მათ გადადგომას, რადგან ისინი გაყალბებისთვის ემზადებიან, თუმცა ამის საშუალებას არ მივცემთ“, - ამბობს წითლიძემ.

ბრალდებებს უარყოფს 67-ე საოლქო საარჩევნო კომისიის თავმჯდომარე მირანდა მესხი თუმცა თამარ ჟვანიასთან ნათესაურ კავშირს ადასტურებს.