ივანიშვილის არაფორმალური მმართველობა - ოპოზიცია ამბობს რომ ევროპარლამენტის დასკვნა გაცილებით მკაცრი უნდა იყოს

პოლიტიკა - 18:42, 05 Sep, 2018

1085

ევროპარლამენტი საქართველოს შესახებ მომზადებული მოხსენების ტექსტს ამკაცრებს. ფაქს თბილისში გამოხმაურებები უკვე მოჰყვა.

ოპოზიციაში მიაჩნიათ, რომ მოხსენება გაცილებით უფრო მწვავე უნდა იყოს და საქართველოში არაფორმალური მმართველობის პრობლემაა და ის საბოლოო დოკუმენტში აუცილებლად უნდა აისახოს.

„ჩვენი შეხვედრების ერთ-ერთი მთავრი თემა არის ეს ანგარიში იმიტომ, რომ სრულიად მიუღებელია ის პროექტი, რომელიც წარმოადგინა ბატონმა მამიკინსმა. ჩვენ ვხვდებით ყველა შესაბამისი პოლიტიკური ძალის წარმომადგენლებს, მათ შორის თანამომხსენებლებს. ჩვენთვის უკიდურესად მნიშვნელოვანი, ამ საბოლოო ანგარიშში აისახოს ის ვითარება, რაც ქვეყანაში გვაქვს შექმნილი. რაც შეეხება არაფორმალური მმართველობის პრობლემას, რამაც, ფაქტობრივად, საქართველოს სახელმწიფოს ჩამოშლას მისცა დასაბამი, ასევე ის ვითარება, რაც არის შექმნილი დამოუკიდებელ მასმედიასთან დაკავშირებით. ევროპარლამენტის საბოლოო ანგარიში ბევრად უფრო მწვავე იქნება, ვიდრე პროექტია,“- განაცხადა „ნაციონალური მოძრაობის“ წევრმა, სალომე სამადაშვილმა, რომელიც ევროპარლამენტარებთან შეხვედრებს მართავს.

ევროპარლამენტში გადაწყვეტილება 7 სექტემბრამდე უნდა მიიღონ, უცნობია მოხვდება თუ არა ანგარიშის საბოლოო რედაქციაში ჩანაწერი ივანიშვილის არაფორმალური მმართველობის შესახებ.

„დოკუმენტში აღწერილია ის ზოგადი სურათი, რომელიც გვაქვს და ამ სურათში ვერ გამოვტოვებთ იმ ფაქტს, რომელიც ქვეყანაშია, ანუ პირი, რომელიც სახელმწიფო სტრუქტურებს მართავს და უმნიშვნელოვანეს გადაწყვეტილებებს იღებს, რომელიც რეალურად პრემიერის ხელმძღვანელია,“- განაცხადა „ევროპული საქართველოს“ წევრმა, ოთარ კახიძემ.