"პოლიტიკური რევანში" - "ოცნება" მოზარდების მკვლელობის საქმეზე შს და იუსტიციის მინისტრების პასუხისმგებლობის საკითხის დაყენებას არ იზიარებს

პოლიტიკა - 16:31, 05 Sep, 2018

1232

არასრულწლოვანების მკვლელობის საქმე - „ქართული ოცნების“ წარმომადგენლები ამბობენ, რომ დოკუმენტი მაქსიმალურად იყოს დაცული პოლიტიკური გავლენისგან. მათ შორის დოკუმენტში არ უნდა მოხვდეს პოლიტიკური პასუხისმგებლობის საკითხის დაყენება მთავრობის წევრების მათშორის იუსტიციის მინისტრის, შს მინისტრის.

„ჩვენ მიგვაჩნია და ბოლომდე გვჯეროდა, ჩვენ იმიტომ ვმუშაობდით ამ კომისიაში, რომ ამ დიდ ტრაგედიაზე პოლიტიკისგან სრულიად დაცლილი, ობიექტური, მიუკერძოებელი დასკვნა და შეფასებები გაგვეკეთებინა. ჩვენ დავდებთ ობიექტურ დასკვნას. მზად არის ეს დოკუმენტი და დღეს წარვადგენთ უკვე ბოლო სხდომაზე. მე ვხედავ რესურსს, რომ კომისიამ, როდესაც პლენარულ სხდომაზე კენჭისყრა დასრულდება შეასრულოს ის ფუნქცია რომლისთვისაც ის შეიქმნა, განაცხადა არჩილ თალაკვაძემ.

დღეს დროებითი საგამოძიებო კომისიის ბოლო და გადამწყვეტი სხდომა იქნება. დღევანდელ სხდომაზე ცნობილი გახდება, თუ რა რედაქციით წარადგენს კომისია კენჭისყრაზე საბოლოო დასკვნას.

ანრი ოხანაშვილის განცხადებით „ევროპული საქართველოს“ მიერ მომზადებული დასკვნა არის პოლიტიკური რევანში.

„ჩვენ წარმოვადგინეთ დასკვნა, რომლესაც დღეს წარვუდგენთ კომისიას. ეს არის ობიექტური დასკვნა, დაცლილი ყოველგვარი პოლიტიკური მიკერძოებულობისგან. განსხვავებით იმ დოკუმენტისგან, რომელიც წარმოადგინა "ევროპულმა საქართველომ." რომელიც გაჯერებულია ვიწრო პოლიტიკური პარტიული ინტერესებით. ეს არის მცდელობა პოლიტიკური რევანშის, რომლის შესაძლებლობასაც ჩვენ არ მივცემთ არავის,“-განაცხადა ანრი ოხანაშვილმა.