სოხუმის საოკუპაციო რეჟიმის დე ფაქტო პრეზიდენტი რაულ ხაჯიმბა ე.წ ოფიციალური ვიზიტით სირიაში იმყოფება. ამის შესახებ მისი პრესმდივანი ნაალ ავიძბა იტყობინება.

დე ფაქტო პრეზიდენტს სირიის აეროპორტში ბაშარ ასადის რეჟიმის საგარეო საქმეთა მინისტრი ვალიდ ალ მუალები დახვდა.

ხაჯიმბასა და ასადის შეხვედრის დროს ორმხრივი ურთიერთობების პერსპექტივის განხილვა იგეგმება.

ხაჯიმბასთან ერთად ე.წ დელეგაციაში იმყოფებიან აფხაზეთის საოკუპაციო რეჟიმის დე ფაქტო მთავრობის წევრებიც: ე.წ პრემიერ-მინისტრი გენადი გაგულია, ხაჯიმბას ადმინისტრაციის ხელმძღვანელი ბესლან ბარციცი, ე.წ უშიშროების საბჭოს მდივანი მუჰამედ კილბა, ე.წ საგარეო საქმეთა მინისტრი დაურ კოვე, ე.წ თავდაცვის მინისტრი მერაბ კიშმარია, ე.წ ეკონომიკის მინიტრი ადგურ არძინბა.

სირიის ხელისუფლებასა და აფხაზეთის საოკუპაციო რეჟიმის წარმომადგენლებს შორის მოლაპარეკებებისას იგეგმება თანამშრომლობის შესახებ შეთანხმების გაფორმება, ასევე სირიულ-აფხაზური კომიტეტის შექმნა, კონომიკუ, სავაჭრო, სამეცნიერო, ტექნიკურ და კულტურულ თანამშრომლობასთან დაკავშირებით.