არაპროფესიონალური და ღიმილისმომგვრელი - საპარლამენტო უმრავლეობამ ნონა მიხელაძის მოხსენები შემდეგ ევროპარლამენტში წერილი გააგზავნა

პოლიტიკა - 15:33, 04 Sep, 2018

1581

საპარლამენტო უმრავლესობამ ნონა მიხეძის მოხსენების შემდეგ, ევროპარლამენტში წერილი გააგზავნა, რადგან მისი დასკვნის კომპეტენტურობაში ეჭვი შეიტანა.

პარლამენტის ვიცე-სპიკერის თამარ ჩუგოშვილის თქმით, მიზეზი რის გამოც ევროპარლამენტს მიმართეს ისაა, რომ შეცდომაში არ შევიდნენ.

"ნებისმიერი ინფორმაცია, ანგარიში, რომელიც შეიძლება შემდგომ გამოყენებული იქნას რეზოლუციებში, ოფიციალურ დოკუმენტაციაში საქართველოსთან დაკავშირებით და ეს დოკუმენტი, ინფორმაციის წყარო არაკომპეტენტური და არასწორია, ბუნებრივია, რომ ჩვენ ინფორმაციას ვაწვდით ჩვენს ევროპელ კოლეგებს და ვეუბნებით, რომ ან ფაქტობრივი შეცდომებია დაშვებული ანგარიშში ან არის არასწორი შეფასებები გაკეთებული. პარლამენტის წევრებისა და შესაბამისი კომიტეტების ვალდებულებაა, რომ ევროპარლამენტის შეცდომაში შეყვანა არ დაუშვას, ამას რომ არ ვაკეთებდეთ, ამაზე უნდა გვაკრიტიკებდეთ და არა პირიქით" - აღნიშნა თამარ ჩუგოშვილმა.

ევროპასთან ინტეგრაციის კომიტეტის თავმჯდომარე, თამარ ხულორდავა ნონა მიხელიძის დასკვნას ღიმილისმომგვრელს უწოდებს.

„ეს კვლევა არ არის პროფესიონალური, კრიტიკას ვერ უძლებს ვერცერთ ნაწილში, მე არცერთ საკითხზე მის მოსაზრებებს ვერ გავიზიარებ. კვლევაში არის საუბარი 2015 წლის შეფასებებზე მაშინ, როდესაც დღეს არის 2018 წელი და გამოყენებულია ყველაზე კრიტიკული კვლევებიდან მხოლოდ ყველაზე კრიტიკული ჩანაწერები, მაშინ, როცა იმავე კვლევაში სხვა უფრო პოზიტიურიც არის. ეს მიქმნის განცდას, რომ ექსპერტს ჰქონდა წინასწარი განწყობა, რომ დაეწერა ასეთი ანგარიში. მე არ მაქვს პრობლემა კრიტიკული კვლევების მიმართ, მაგრამ, ჩემი აზრით, ეს ანგარიში არის ცალმხრივი და ნდობას არ იმსახურებს. კვლევა არის ჩემთვის ღიმილის მომგვრელი" - განაცხადა ხულორდავამ.