„Fakeფოტოები კითხვის ნიშნის ქვეშ აყენებს ჩემს დამოუკიდებლობას“ - ნონა მიხელიძე მუქარაზე ინფორმაციას ევროპარლამენტს მიაწვდის

პოლიტიკა - 12:23, 04 Sep, 2018

2321

დამოუკიდებელი ექსპერტი ნონა მიხელიძე მასზე განხორციელებული მუქარის შესახებ საუბრობს.
დამოუკიდებელი ევროპელი ექსპერტი ამბობს, რომ ვრცელდება ყალბი ფოტოები, რაც კითხვის ნიშნის ქვეშ აყენებს მის დამოუკიდებლობას.

ექსპერტმა უკვე შეატყობინა ევროკავშირს მის მიმართ გამოთქმული მუქარის შესახებ.

„ეს Fakeფოტოები, რომელიც ვრცელდება, არ შეიცავს არანაირ კრიტიკას ჩემი რეპორტის მიმართ. ვისურვებდი, რომ ყოფილიყო კრიტიკა. ის კითხვის ნიშნის ქვეშ აყენებს ჩემს ექსპერტობას, კითხვის ნიშნის ქვეშ მაყენებენ მე, როგორც დამოუკიდებელ ექსპერტს. შეიცავს ინფორმაციას, თითქოს, მე გარკვეული პარტიის მიერ მოსყიდული ექსპერტი ვარ და ამის დასადასტურებლად ავრცელებენ ყალბ ფოტოებს მიხელ სააკაშვილთან ერთად. არ მინდა ამ თემით სპეკულირება და ამაზე ყურადღების გადატანა. აქ ყველაზე მნიშვნელოვანია ის რეპორტი, რაც დაიწერა, ვარ საკმაოდ ინდეფერენტული იმ მუქარის წერილების მიმართ, რასაც ვიღებ. ეს Fakeფოტოები ევროპარლამენტს უკვე გადაეგზავნა, მაგრამ მუქარის შემცველი მესიჯების მიმართ ამ ეტაპზე გულგრილი ვრჩები, თუ ამან ინტენსიური ხასიათი მიიღო, საქმეში ჩემი ინსტიტუტი ჩაერთვება და და ევროპარლამენტი უფრო მეტ ინფორმაციას მიიღებს,“- განაცხადა ნონა მიხელიძემ.