რუსული მედიაფორუმი თბილისში, ანტიდასავლური განწყობებით ცნობილი ჟურნალისტებით და ექსპერტებით

პოლიტიკა - 10:19, 04 Sep, 2018

3513

4-7 სექტემბერს თბილისში სამხრეთ კავკასიის საერთაშორისო მედიაფორუმი „მედიის როლი რეგიონში ნდობის განმტკიცებაში“ იმართება. იმის მიუხედავად, რომ ღონისძიებას სამხრეთ კავკასიის საერთაშორისო მედიაფორუმი ეწოდება, თუ მასში მონაწილე პირებს და ორგანიზაციებს გადავხედავთ, ცხადი ხდება, რომ მისი ძირითადი მონაწილეები დასავლური ორიენტაციის მიმართ ნეგატიურად განწყობილი რუსი ტელეწამყვანები და ანალიტიკოსები არიან. მედიაფორუმის ორგანიზატორები კი არიან რუსეთის პოლიტოლოგიური ცენტრი „Север-Юг“, პრესკლუბი „თანამეგობრობა“ და გაზეთი „საქართველო და მსოფლიო“ . ფორუმი რუსეთის საპრეზიდენტო ფონდის მხარდაჭერით ხორციელდება. ჯერჯერობით უცნობია, არიან თუ არა მოწვეულთა შორის ისეთები, ვისაც საქართველოს კანონი ოკუპაციის შესახებ დარღვეული აქვთ.

პროგრამის სპეციალური სტუმარია დიმიტრი კოსირევი.

მედიაფორუმის სპიკერები:

ალეკსეი ვიშნევეცკი - რუსეთის ჟურნალისტთა კავშირის თავმჯდომარის მოადგილე

ვიკტორ ლიტოვკინი - „იტარ ტასის“ სამხედრო მიმომხილველი

გენადი ბორდიუგოვი - რუსეთის საზოგადოების მკვლევართა ასოციაციის საერთაშორისო საბჭოს პრეზიდენტი

ტატო ლასხიშვილი - საერთაშორისო საინფორმაციო სააგენტო „Russia Today“-ს ხელმძღვანელის მოადგილე საქართველოში

ალან კასაევი - გაზეთ „სევერნაია ოსეტიას“ მთავარი რედაქტორი, ისტორიკოსი, კავკასიის რეგიონის ექსპერტი

ალეკსეი მალაშენკო - მოსკოვის სახელმწიფო საერთაშორისო ურთიერთობათა ინსტიტუტის პროფესორი, პოლიტოლოგი, ისლამის პრობლემების წამყვანი სპეციალისტი.