„პრეზიდენტის პოლიტიკურ გადაწვეტილებებს ნამდვილად ვერ შევაფასებ“

„პრეზიდენტის პოლიტიკურ გადაწვეტილებებს ნამდვილად ვერ შევაფასებ“ - გიორგი მიქაუტაძე

პოლიტიკა - 13:21, 03 Sep, 2018

555

იუსტიციის უმაღლესი საბჭოს თავმჯდომარის მოვალეობის შემსრულებელი გიორგი მიქაუტძე პრეზიდენტის გადაწყვეტილებას გამოეხმაურა.

ცნობილია, რომ გიორგი მარგველაშვილის გადაწყვეტილებით, ის არ წარადგენს უზენაესი სასამართლოს თავმჯდომარის კანდიდატს.

„მე პრეზიდენტის პოლიტიკურ გადაწვეტილებებს ნამდვილად ვერ შევაფასებ უზენაესი სასამართლოს თავმჯდომარის კანდიდატის წარდგენასგან დაკავშირებით. სამართლებრივად ასეა, რომ ახალი პრეზიდენტის არჩევამდე მოქმედებს ძველი განაწესი. მას ჰქონდა უფლება, რომ წარედგინა უზენაესი სასამართლოს თავმჯდომარის კანდიდატი, თუმცა რატომ მიიღო ასეთი გადაწყვეტილება, სხვა შეფასებები იუსტიციის უმაღლესი საბჭის კომპეტენციას სცდება", - განაცხადა გიორგი მიქაუტაძემ.

ჟურნალისტებმა მიქაუტაძეს შეახსენეს, რომ ახალი კონსტიტუციის მიხედვით, ამ საკითხზე პასუხისმგებლობა საბჭოს ეკისრება და დაინტერესდნენ, არის თუ არა საბჭო ამისთვის მზად, რაზეც იუსტიციის უმაღლესი საბჭოს თავმჯდომარის მოვალეობის შემსრულებელმა განმარტა:

"იუსტიციის უმაღლესი საბჭო ამ საკითხებზე ადრეც მსჯელობდა და მომავალშიც აუცილებდალ იმსჯელებს, თუ რა წესით უნდა მოხდეს უზენაესი სასამართლოში კანდიდატების წარდგენა, რასთან დაკავშირებითაც არ არის გამორცხული, რომ სარეფორმო ჯგუფის სამუშაო შეხვედრებიც გაიმართოს და ერთობლივად ვიმსჯელოთ ამ თემაზე" - განაცხადა მიქაუტაძემ.

მიქაუტაძემ მესამე სექტორის შენიშვნებზეც ისაუბრა, რომლებიც თვლიან, რომ პრეზიდენტმა არასწორი გადაწყბეტილება მიიღო, როცა უარი თქვა კანდიდატის წარდგენაზე.

"ეს საკონსტიტუციო რეფორმა როდესაც გატარდა, მივიღეთ ბევრად მეტი გარანტიები სასამართლოს სისტემის დამოუკიდებლობისთვის, ბევრად უფრო პროგრესული კანონმდებლობა და დღევანდელი მდგომარეობით, საკონსტუტუციო დონეზე გარანტაირებულია სასამართლო სისტემის დამოუკიდებლობა, კიდევ უფრო გაძლიერდა ეს კომპონენტი და ამის ერთ-ერთი შემადგენელი ნაწილოა სწორედ ის, რომ არა პოლიტიკური ხელისუფლება, არამედ თავად სასამართლო ხელისუფლება იქნება ჩართული იმ პროცესებში,რასაც ჰქვია უზენაესი სასამართლოს დაკომპლექტება და მოსამართლეების წარდგენა, რაც ვფიქრობ, სწორი და კარგი რეფორმა იყო როცა გატარდა" - განაცხადა მიქაუტაძემ.