რიო დე ჟანეიროში ბრაზილიის ეროვნული მუზეუმის შენობა დაიწვა

მსოფლიო - 11:25, 03 Sep, 2018

1469

რიო დე ჟანეიროში, ბრაზილიის ეროვნული მუზეუმის შენობა დაიწვა, რომელიც 1818 წელს დაარსდა. ცეცხლმა თითქმის სრულად გაანადგურა მუზეუმის კოლექცია, რომელიც 20 მილიონამდე ექსპონატს ითვლიდა. განადგურებულია ბიბილიოთეკის დიდი ნაწილიც.

ხანძარი მუზეუმში 2 სექტემბერს დილით გაჩნდა. ცეცხლის ჩაქრობა გაართულა იმან, რომ ცეცხლმოკიდებულ შენობაში წყლის მიწოდება გართულებული იყო. ცეცხლის გავრცელებას იმანაც შეუწყო ხელი, რომ ბევრი ექსპონატის შესანახად ადვილადაალებადი ქიმიკატები გამოიყენებოდა.

ბრაზილიის პრეზიდენტმა მიშელ ტემერმა გაანცხადა, რომ მუზეუმის დაწვა არის „აუნაზღაურებელი დანაკარგი ბრაზილიისთვის...“

ხანძრის მიერ მიყენებული ზარალის ზუსტი რაოდებობა ჯერ დადგენილი არაა.

როგორც როიტერი წერს , ეროვნულმა მუზეუმმა ცოტა ხნის წინ ბრაზილიის განვითარების ბანკთან ხელშეკრულება გააფორმა, რომლის თანახმადაც მუზეუმის რემონტისა და განვითარებისთვის გამოყოფილი უნდა ყოფილიყო 5.5 მლნ დოლარი. მათ შორის იგეგმებოდა სახანძრო უსაფრთხოების ახალი სისტემის დამონტაჟებაც.

მუზეუმის შენობა XIX საუკუნეში აიგო და ის ჯერ პორტუგალიის სამეფო ოჯახის რეზიდენციას წარმოადგენდა, შემდეგ ბრაზილიელი იმპერატორების.

მუზეუმში თავდაპირველად ადგილობრივი ფლორის და ფაუნის ნიმუშები ინახებოდა, შემდეგ დაემატა იშვიათი მინერალები, წიგნები, ასევე არქეოლოგიური არტეფაქტები და სხვა ექსპონატები.