გაერთიანებული ოპოზციის, "ძალა ერთობაშიას" საპრეზიდენტო კანდიდატი გრიგოლ ვაშაძე ბაღდათში მოსახლეობას შეხვდა. ადგილობრივებმა მათ წინაშე მდგარ მთავარ პრობლემებად უმუშევრობა, გაზრდილი კომუნალური გადასახადები, გაძვირებული მედიკამენტები, გაზრდილი კრიმინალი, ფაროსანას მიერ განადგურებული მოსავალი დაასახელეს.

მათი განცხადებით, რამდენიმე უკიდურესად გაჭირვებულ ოჯახს დაუსაბუთებლად მოუხსნეს სოციალური დახმარებები.

გრიგოლ ვაშაძე აცხადებს, რომ ხელისუფლებაში მოსვლისთანავე შემცირდება ბიუროკრატიული ხარჯები და ამ გზით მილიარდნახევარი ლარი დაიზოგება. დაზოგილი თანხით კი 400 ლარამდე გაიზრდება პენსია, განხორციელდება პროექტები სამუშაო ადგილების შესაქმნელად და სოფლის მეურნეობის განსავითარებლად.