აფხაზეთის საოკუპაციო რეჟიმი თვლის, რომ გალის რაიონში სიტუაციის დასტაბილურებას ხელი ენგურზე გამშვები პუნქტების დახურვამ შეუწყო. ამასთანავე ხაჯიმბა აცხადებს, რომ ე.წ რესპუბლიკის ეკონომიკაზე და ბაზარზე ცუდ გავლენას ახდეს საქართველოდან პროდუქციის შეტანა და ამ პროდუქციის გასაკონტრიოლებლად ე.წ საბაჟო პუნქტების გახსნას გეგმავს.

„საჭიროა ამ პროცესის ლეგალიზება, ესა თუ ის პროდუქტი, რომელიც აფხაზეთში შემოდის, ჩვენ ბაზარზე დემპინგის პირობებს ქმნის. პრაქტიკულად ჩვენი პროდუქტი არაკონკურენტუნარიანი ხდება. მე ვფიქრობ, რომ სხვა გამოსავალი არაა. საქართველოდან შემოსული ყველა პროდუქტი აღრიცხული უნდა იქნას. რადომ უნდა გამდიდრდნენ ამით კონკრეტული ადამიანები და სახელმწიფომ რატომ უნდა განიცადოს დანაკარგი?“- განაცხადა ხაჯიმბამ.

დე ფაქტო პრეზიდენტის თქმით, ამ პრობლემის მოსაგვარებლად უახლოეს მომავალში კონტროლის მექანიზმები გამკაცრდება და საბაჟოების მატერიალურ ტექნიკური ბაზა გაუმჯობესდება.