კალაძე არ გამორიცხავს, რომ ჯონ მაკკეინის სახელი თბილისის რომელიმე ქუჩას ეწოდოს

პოლიტიკა - 09:59, 31 Aug, 2018

1427

საკრებულოს ფრაქცია „ევროპული საქართველოს“ ინიციატივას, რომელიც თბილისში ერთ-ერთი ქუჩისთვის ჯონ მაკკეინის სახელი მინიჭებას გულისხმობს დედაქალაქის მერი გამოეხმაურა. კახა კალაძე არ გამორიცხავს ამ გადაწყვეტილების მიღებას, თუმცა აცხადებს, რომ ამ საკითხზე თბილისის საკრებულომ უნდა იმსჯელოს:

„შეიძლება ამ საკითხის განხილვა და დაველოდოთ საკრებულოს გადაწყვეტილებას“- განაცხადა კახა კალაძემ.

ინიციატივა საკრებულოში ევროპული საქართველოს ფრაქციის თავმჯდომარეს, გიორგი გაბაშვილს ეკუთვნის.

„სენატორი მაკკეინი იყო თავისუფლებისთვის მებრძოლი ერების ყველაზე დიდი მხარდამჭერი. ამერიკულ პოლიტიკურ წრეებში ის იყო ყველაზე დიდი გულშემატკივარი იმ ნაბიჯებისა, რომელსაც საქართველო დგამს თავისუფლებისკენ. მაკკეინი საქართველოს დამოუკიდებლობის, ტერიტორიული მთლიანობისა და სუვერენიტეტის ერთ-ერთი ხმამაღალი გულშემატკივარი იყო. საქართველოსთვის ყველაზე მძიმე წუთებში ამ ადამიანმა თქვა ყველაზე ნაცნობი სიტყვები, რომ დღეს ყველა ამერიკელი არის ქართველი. ვფიქრობ, ქართველების ვალია, მადლობა ვუთხრათ ჯონ მაკკეინს და სამუდამო პატივი ვცეთ მის სახელს. დავსხდეთ, მოვილაპარაკოთ და თბილისის ერთ -ერთ ქუჩას ვუწოდოთ ჯონ მაკკეინის სახელი“ - აღნიშნა გოკა გაბაშვილმა ინიციატივაზე სუაბრისას.