„ჩვენ არავისთან დაპირისპირებას არ ვაპირებთ, არც კაშიას მხარდამჭერებთან, თუ ესეთი საერთოდ არის ვინმე,"

„ჩვენ არავისთან დაპირისპირებას არ ვაპირებთ, არც კაშიას მხარდამჭერებთან, თუ ესეთი საერთოდ არის ვინმე," - კონსტანტინე მორგოშია

პოლიტიკა - 18:12, 29 Aug, 2018

1207

"პატრიოტთა ალიანსის" ერთ-ერთი ლიდერი კონსტანტინე მორგოშია 9 სექტემბერს საქართველოს ეროვნული ნაკრების მატჩის ჩაშლით კვლავ იმუქრება.

„მთავრდებოდა პოსტი ესე, რომ შენც ჩამოხვალ 9-ში და დანარჩენს ნახავ. თუმცა, როდესაც გამომძიებლებმა ნახეს დანარჩენი ჩემი პოსტები, ანუ წინამორბედი, მიხვდნენ, რომ ცხრაში რაღაც არ იგეგმებოდა სხვა, იგეგმებოდა ერთადერთი ის აქტივობა, რაც დაახლოებით იყო რამდენიმე თვის წინ ქუთაისში საქართველო-ბელორუსის თამაშის დროს. ძალისმიერ მეთოდით ჩვენ არ შევსულვართ იქ. დავადასტურე ეგ აქტშიც, რომ ჩვენ ყველას გვქონდა შეძენილი ბილეთები,“ - განაცხადა კონსტანტინე მორგოშიამ.

ჟურნალისტის კითხვაზე, შეძენილი აქვთ თუ არა 9 სექტემბრის მატჩის ბილეთებიც, მორგოშია ამბობს, რომ ამ საკითხზე უკვე იზრუნეს და პრობლემა არ იქნება.

„ჩვენ არავისთან დაპირისპირებას არ ვაპირებთ, არც კაშიას მხარდამჭერებთან, თუ ესეთი საერთოდ არის ვინმე და არც არავისთან. ჩვენ პროტესტს გამოვხატავთ და ვისაც უნდა რომ, ასე ვთქვათ, ამ მამათმავლების პროპაგანდას დაუჭიროს მხარი, ეს მათი ნებაა და მათი არჩევანია,“ - განაცხადა მორგოშიამ.

გურამ კაშიას მიმართ შეურაცხყოფა ამჯერად UEFA-ს გადაწყვეტილებას მოჰყვა, რომლის მიხედვითაც, ვიცეკაპიტანს ლგბტ თემის მხარდაჭერისთვის UEFA თანასწორობის ჯილდოს გადასცემს.