"ნახეთ რას აკეთებს Google, რა ხდება Twitter-ზე და Facebook-ზე, არ შეიძლება ადამიანებს ასე მოექცე"- ტრამპი სოციალურ ქსელებს დაუპირისპირდა

მსოფლიო - 12:11, 29 Aug, 2018

2276

ამერიკის 45-ე პრეზიდენტის თქმით, Google-ის საძიებო სისტემა მის შესახებ კარგ ინფორმაციას მალავს და მხოლოდ ნეგატიურ ამბებს აჩვენებს.

„გუგლის საძიებო სისტებაში „ტრამპი სიახლეები“ შედეგებში მხოლოდ ყალბი მედიის სტატიებს აჩვენებს. სხვა სიტყვებით, რომ ვთქვათ, მათ გააყალბეს ჩემთვის და სხვებისთვის, ისე, რომ ყველა ახალი ამბავი ცუდი იყოს. მატყუარა CNN-ი წამყვანია. რესპუბლიკური/კონსერვატიული და სამართლიანი მედია იბლოკება. არალეგალურია? შედეგების 96% " ტრამპის ახალი ამბები"-სთვის მემარცხენე მედიიდანაა, ძალიან საშიშია. გუგლი და სხვები ახშობენ კონსერვატორების ხმებს და მალავენ კარგ ინფორმაციას და ახალ ამბებს. ისინი აკონტროლებენ რისი ნახვა შეგვიძლია და რისი არა. ეს ძალიან სერიოზული სიტუაციაა და ყურადღების მიქცევა სჭირდება!"- წერს ტრამპი ტვიტერზე.

აღნიშნულ საკითხზე კომენტარი ტრამპმა ფიფას-ს პრეზიდენტთან შეხვედრის დროსაც გააკეთა:

„ნახეთ რას აკეთებს Google, რა ხდება Twitter-ზე და Facebook-ზე, ისინი ფრთხილად უნდა იყვნენ, იმიტომ რომ არ შეიძლება ასე მოექცე ადამიანებს. მე ვთვლი, რომ Google, Twitter და Facebook ძალიან სახიფათო ტერიტორიაზე შედიან და ისინი ძალიან ფრთხილად უნდა იყვნენ.“- აღნიშნა ტრამპმა.

დონალდ ტრამპს კომპანია Google-მა უპასუხა, მათი თქმით, კომპანიას და მის პროდუქტს პოლიტიკური იდეოლოგიის მიმართ რაიმე სახის მიკერძოება არ აქვს და არ ახდენს „პოლიტიკური განწყობით მანიპულირებას.“

„როდესაც მომხმარებელს შეჰყავს Google-ის საძიებო სისტემაში შეკითხვა, ჩვენი მიზანია, დარწმუნებულები ვიყოთ, რომ ისინი წამებში მიიღებენ მეტნაკლებად რელევანტურ პასუხებს.“- განაცხადა Google-ის წარმომადგენელმა. „ძებნა არ გამოიყენება პოლიტიკური დღის წესრიგის შექმნისთვის და ჩვენი შედეგები არაა შერჩეული რაიმე პოლიტიკური იდეოლოგიის მიხედვით“-აცხადებენ Google-ში.