,,ადიგენის ინციდენტი ,,ნაციონალური მოძრაობის“ მიერაა ინსპირირებული”

საზოგადოება - 13:33, 28 Aug, 2013

750

აღნიშნულ განცხადებას ორგანიზაცია ,,ადამიანი, კანონი, თავისუფლება" ავრცელებს.

როგორც განცხადებაშია აღნიშნული, სამცხე-ჯავახეთის რეგიონი ყოფილი ხელისუფლების მიერ იმართებოდა. ორგანიზაცია მიიჩნევს, წინა მთავრობის დროს ჩადენილი უკანონობის გადასაფარად, ადიგენის რაიონში აღნიშნული ქმედება ,,ნაციონალური მოძრაობის" მიერაა ინსპირირებული.

,,ადიგენი წარმოადგენს იმ რაიონს, რომელიც იმართება ყოფილი ხელისუფლების მხრიდან. როგორც ყველასთვის ცნობილია სამცხე-ჯავახეთი პირად კონტოლზე ყავდა აყვანილი და იმართებოდა ყოფილი შსს მინისტრის, ვანო მერაბიშვილის და მისი გარემოცვის მიერ. 2012 წლის საპარლამენტო არჩევნების შედეგები მიუთითებს იმაზე, თუ რა დონის გავლენას ახდენდა და ახდენს ნაციონალური მოძრაობა ადგილობრივ ხელისუფლებაზე.

იმისათვის, რომ წინა მთავრობის დროს ადგილობრივი ხელისუფლების მიერ ჩადენილი უკანონო ქმედებები გადაიფაროს, სწორედ მსგავი ანტისახელმწიფოებრივი მოქმედებები იქნება ინსპირირებული ნაციონალური მოძრაობის მხრიდან.

მივმართავთ საზოგადოებას კარგად გააცნობიერონ რასთან გვაქვს საქმე და ნათლად შეძლონ იმ ძალის დანახვა რომლის მიზანია, დააპირისპიროს ქრისტიანი და მუსლიმი მოსახლეობა და ამით როგორც ეკლესიის ასევე სახელმწიფოს დისკრედიტაცია მოახდინოს და ამით განახორციელოს საკუთარი მიზნები.

განსაკუთრებით მოგმართავთ მედია საშუალებების წარმომადგენლებს, რომ მოიძიოთ დაწვრილებითი ინფორმაცია და საზოგადოებას მიაწოდოთ ობიექტურად და მიუკერძოებლად.
ჩვენი ინფორმაციით მსგავსი დაძაბულობები არ იქნება პირველი და უკანასკნელი, განსაკუთრებით წინასაარჩევნო პერიოდში. ნაციონალურ მოძრაობას მსგავსი არასახელმწიფოებრივი ქმედებები კიდევ აქვს დაგეგმილი. ყოველივე ეს მიმართულია საარჩევნოდ ქულების მოსაპოვებლად.

მორწმუნეთათვის მნიშვნელობა არ აქვს თუ როგორ მოხვდა მინარეთი საქართველოს ტერიტორიაზე, როგორ დაიდგა ის მეჩეთთან და ა.შ. მთავარი ისაა, რომ შექმნილი ვითარებიდან, სანამ ჭეშმარიტება დადგინდება საზოგადოებაში რჩება განწყობა, რომ ახალი ხელისუფლება ებრძვის სხვა რელიგიურ კომფესიებს.

ასევე, საზოგადოებაში რჩება განცდა, რომ სახელმწიფო სტრუქტურები არიან უმოქმედონი, ვინაიდან მსგავსი საკითხების პრევენციას ვერ ახდენენ. თუ კი ყველასთვის ცნობილი იყო, რომ საქმე გვქონდა უკანონობასთან, შესაბამის ორგანოებს ამაზე უნდა გაეკეთებინა განცხადება და შემდგომ მოეხდინა რეაგირება.

ადამიანი, კანონი, თავისუფლება მიმართავს ხელისუფლებას და მოუწოდებს

• სასწრაფოდ დაადგინოს მომხდარის მიზეზები და დროულად გამოავლინოს ვითარების გამწვავების მსურველ პირთა ვინაობა, რათა აცილებულ იქნას თავიდან რელიგიურ ნიადაგზე დაპირისპირების ექსკალაცია. დროულად მიაწოდოს ინფრომაცია საზოგადოებას, რათა არ დადგეს ქვეყანა არარსებული რელიგიული კონფლიქტის რეალურ საფრთხეში გადასვლის საშიშროების წინაშე.
• გამოძიებულ იქნას თუ როგორ ან რატომ მოხდა საბაჟოზე მსგავსი ფაქტი და დაისაჯოს ყველა ის პირი, ვინც სამსახურეობრივი გულგრილობა გამოიჩინა.
• არ მისცეს საშუალება ყოფილ მმართველ ძალას საფრთხის წინაშე დააყენოს ქვეყანა ინსპირირებული ახალი კონფლიქტის სტიმულირებით", - ნათქვამია ორგანიზაციის განცხადებაში.