კომპანია Outdoor-მა ახალგაზრდების ჯგუფს უარი განუცხადა ოკუპაციის თემატიკაზე მომზადებული ბანერის - „საქართველოს 20% ოკუპირებულია რუსეთის მიერ“ - განთავსებაზე. მიუხედავად იმისა, რომ ახალგაზრდები ჩვეულებრივად კომპანიას შესაბამისი თანხას გადახდას შეპირდნენ, კომპანიამ მათგან ბანერის შინაარსის შეცვლა მოითხოვა. ინფორმაცია ამის შესახებ აქციის ერთერთი ორგანიზატორი მარიამ წერეთელმა მოგვაწოდა.

აღსანიშნავია, რომ ახალგაზრდებს ადრეც არაერთხელ შეხვედრიათ წინააღმდეგობა - თბილისის ქუჩებში მსგავსი შინაარსის სტიკერების გაკვრის დროს ისინი პოლიციამ დააკავა და სასამართლომ მათ 50-ლარიანი ჯარიმის გადახდაც დააკისრა.

"OUtdooR.ge
კიდევ ერთი, სამარცხვინო კომპანია, რომელიც მისდევს ოლიგარქის რეჟიმს, არგაღიზიანების პოლიტიკას და არ აღიარებს , რომ ჩვენი ჩრდილოელი მეზობელი ოკუპანტია!
კომპანია, რომელმაც უარი გვითხრა, ქვემოთ მოცემული ბანერის განთავსებაზე, დღევანდელი ოკუპაციის ფონზე, უამრავი უშინაარსო ბანერით სავსე ქალაქში...
P.S. რა თქმა უნდა, ყოველთვიური თანხის გადახდა, ჩვეულებრივად მოხდებოდა!
მათი პასუხი იყო შემდეგი , "შეცვალეთ ბანერის შინაარსი და სიამოვნებით ვითანამშრომლებთ თქვენთან"!...
არაფრით ხართ ოკუპანტებზე მეტი!
#რუსეთიოკუპანტია
#Russiaisanoccupant " - წერს მარიამ წერეთელი ფეისბუქში.