აშშ-ის ახალი სანქციები რუსეთის წინააღმდეგ ძალაში შევიდა

მსოფლიო - 13:59, 27 Aug, 2018

3261

აშშ-ის ახალი აქციები რუსეთის წინააღმდეგ, რომელიც დიდ ბრიტანეთში სერგეი სკრიპალის მოწამვლას უკავშირდება, ძალაში შევიდა. შესაბამისი დოკუმენტი პარასკევს აშშ-ის ფედერალური რეესტრში გამოქვეყნდა.

აშშ რუსეთს 1991 წლის კანონის დარღვევაში ადანაშაულებს, რომელიც ქიმიური და ბიოლოგიური იარაღის კონტროლსა და აკრძალვას უკავშირდება.

სანქციების პირველი ეტაპი გულისხმობს ამერიკული კომპანიებისთვის რუსეთისთვის ორმაგი დანიშნულების პროდუქცის მიყიდვის და ეროვნულ უსაფრთოებასთან დაკავშირებული საქონლის და ტექნოლოგიების რუსეთში ექსპორტის აკრძალვას.

გამონაკლისი გაკეთდა იმ პროდუქციაზე, რომელიც აუცილებელია კოსმოსური მრეწველობისთვის, ასევე პროდუქცია, რომელიც საჭიროა სამოქალაქო ავიაფრენების უსაფრთხოების უზრუნველსაყოფად.

ახალი შეზღუდვების თანახმად, ამერიკულ სახელმწიფო სტრუქტურებს ასევე ჩამოერთმევათ რუსეთისთვის სესხის, საკრედიტო გარანტიების და ფინანსური დახმარების გაწევის უფლება.

მეორე ეტაპი გულისხმობს დამატებითი სანქციების სამი თვის შემდეგ დაწესებას, ეს მოხდება იმ შემთხვევაში, თუ რუსეთი ვერ წამოადგენს მტკიცებულებას, იმის შესახებ, რომ ის მომავალში აღარ გამოიყენებს ქიმიურ იარაღს, და ასევე დათანხმდება გაეროს მიერ შემოწმების ჩატარებას. შემაკავებელი ზომებში შეიძლება მოიცავდეს, აეროფლოტის „ფრენების“ შეჩერებას აშშ-ში, რუსეთიდან იმპორტის აკრძალვას, ასევე ნებისმიერი საქონლის მიწოდებას, გარდა საკვები პროდუქტებისა, ასევე დიპლომატიური ურთიერთობების გაწყვეტას.