2 მილიონი ეშმაკის ბორბლისთვის - "ის, რასაც კალაძე ტყუილს უწოდებს, დოკუმენტაციით დასტურდება"

პოლიტიკა - 12:15, 24 Aug, 2018

13187

ოპოზიცია დედაქალაქის მერიას ადანაშაულებს, რომ თბილისის მოსახლეობაზე ზრუნვის ნაცვლად კახა კალაძე თანხებს არამიზნობრივად ხარჯავს. კერძოდ ეშმაკის ბორბალზე საათის მონტაჟისთვის დასახარჯი თანხა მერიამ განსაკუთრებული ფორმით შეაგროვა. მუნიციპალიტეტის გადაწყვეტილებით, 3 00 000 ათასი ლარი დააკლდება მეტროსადგურების რეაბილიტაციას, 100 000 ათასი გზებისა და ინფრასტრუქტურის მშენებლობას, 390 000 ლარი კი ავარიული შენობების გამაგრებას. ხელისუფლების ოპონენტები შესაძლო კორუფციაზეც ეჭვობენ, რადგან კახა კალაძემ ამ სამუშაოების ჩაბარება და მილიონების გადახდა ისევ იტალიური კომპანიისთვის გადაწყვიტა.

ოპოზიციის განცხადებას და ამასთან დაკავშირებით რუსთავი2-ის მიერ მომზადებულ სიუჟეტს კახა კალაძემ სიცრუე უწოდა და ოპოზიციის წარმომადგენლებიც და მედიაც ტყუილის გავრცელებაში დაადანაშაულა.

აღნიშნულ ფაქტს გამოეხმაურა თბილისის საკრებულოს წევრი „ერთიანი ნაციონალური მოძრაობიდან“ ლევან ხაბეიშვილი და მან ის დოკუმანტაცია წარმოადგინა, რომელიც ოპოზიციის ბრალდებას ადასტურებს.

„კახი კალაძე გამწარებული "გამოვარდა" გუშინ ფბ - "ლაივით". ტყუილი და სიცრუე ეძახა თავად, რომ ღებულობს იმ გადაწყვეტილებებს. 9 წელიო, სისხლიო და გაუპატიურებაო გაჰკიოდა "ლაივში"

იხილეთ დოკუმენტები :

1. 2 მილიონი ლარი ეშმაკის ბორბალისთვის იტალიურ კომპანიას.

2. 390 000 ლარი მოაკლდა ავარიულ კორპუსებს.

3. 3 მილიონი ლარი მოაკლდა მეტროსადგურების რეკონსტურქციას.

მერის მოადგილემ სიუჟეტში არცერთი ეს დოკუმენტი არ უარყო და ბატონო კახა კალაძე თქვენ არ გეუბნებიან ამ ამბებს ? თუ იტალიური კომპანია, რომ არის რომელსაც 2 მილიონს აძლევთ ახლა გაიგეთ?“- წერს ლევან ხაბეიშვილი.