გერმანიის კანცლერი ანგელა მერკელი დღეს თბილისის სახელმწიფო უნივერსიტეტში სტუდენტებს შეხვდა. შეხვედრისას მერკელმა განაცხადა, რომ საქართველო უახლოვდება ნატო-ს, თუმცა ჩრდილოატლანტიკურ ალიანსში სწრაფი გაწევრიანების პერსპექტივას ვერ ხედავს:

„გულწრფელად რომ გითხრათ, ჩვენ უნდა ვიყოთ ღია, საქართველოს სწრაფ წევრობას ნატოში ვერ ვხედავ აფხაზეთისა და სამხრეთ ოსეთის კონტექსტის გამო. გერმანიის პოზიცია ასეთია. ნატოს ბოლო სამიტზე დამტკიცდა ნატო-საქართველოს პაკეტი, ევროკავშირსა და ნატოსთან საქართველო ნელ-ნელა ახლოვდება - ეს არის ჩემი ხედვა და პასუხი ამ კითხვაზე," - განაცხადა ანგელა მერკელმა.