„ძალიან ბევრია გერმანელებსა და ზოგადად, ყველა ქვეყანასთან სამუშაო“

„ძალიან ბევრია გერმანელებსა და ზოგადად, ყველა ქვეყანასთან სამუშაო“ - რომან გოცირიძე

პოლიტიკა - 10:48, 24 Aug, 2018

1029

„ნაციონალური მოძრაობის“ წევრი, დეპუტატი რომან გოცირიძე გერმანიის ბუნდესტაგის წევრებთან შეხვედრას ეხმიანება.„აგვისტოს ომის შემდგ, ლევან კობიაშვილმა, რომელიც „შალკეში“ თამაშობდა, უარი თქვა „გაზპრომის“ ლოგოიანი მაისურით თამაშზე, რომელიც „შალკეს“ სპონსორი იყო. აგვისტოს ომიდან ათი წლის თავზე, ყირიმისა და დონბასის ოკუპაციის შემდეგ, ავსტრიის საგარეო საქმეთა მინისტრს საკუთარ ქორწილში მთავარ სტუმრად ჰყავდა ვლადიმერ პუტინი და მასთან ცეკვავდა ვალს. რუს დათვთან წესიერი ადამიანები ვალსს არ ცეკვავენ, მით უმეტეს მაშინ, როცა ბრჭყალები სისხლით აქვს მოსვრილი“, - ეს იყო ჩემი პასუხი გერმანელი დეპუტატის ნათქვამზე, რომ რუსი დათვი არ უნდა გავაღიზიანოთ. საუბარი ნატო-ში ჩვენს გაწევრიანებას ეხებოდა. ამ დეპუტატს საკადრისი პასუხი გასცა გერმანიის პარლამენტის სხვა წარმომადგენელმა. ამხილა მისი პარტიის პუტინთან კავშირში და თავად ეს დეპუტატი ოკუპირებულ ყირიმში სტუმრობაში.
პარლამენტში შევხვდით გერმანიის ბუნდესტაგის წევრებს. უკლებლივ ყველა პარტია იყო წარმოდგენილი. ახლდნენ გერმანიის კანცლერს ვიზიტისას. სერიოზული დისკუსია გაიმართა. ძალიან ბევრია მათთან და ზოგადად, ყველა ქვეყანასთან სამუშაო,“ - წერს რომან გოცირიძე სოციალურ ქსელში.