პრეზიდენტთან შეხვედრაზე, პირველ რიგში საუბარი შეეხება საქართველოს უსაფრთხოების საკითხებს, ოკუპირებულ რეგიონებს- აბაშიშვილი

პოლიტიკა - 18:28, 23 Aug, 2018

1446

საქართველოს პრეზიდენტის ადმინისტრაციის უფროსი გერმანიის კანცლერის საქართველოში ვიზიტს და გიორგი მარგველაშვილთან დაგეგმილ შეხვედრას ეხმაურება. გიორგი აბაშიშვილის თქმით, მარგველაშილი- მერკელის შეხვედრაზე, პირველ რიგში საუბარი შეეხება საქართველოს უსაფრთხოების საკითხებს, ოკუპირებულ რეგიონებს, დეოკუპაციას. ამავდროულად საქართველოს ევროინტეგრაციასა და ნატოში ინტეგრაციასთან დაკავშირებულ საკითხებს:

„ძალიან დიდი ხანი მიმდინარეობდა მუშაობა ყველა დონეზე ქალბატონი მერკელის საქართველოში ვიზიტთან დაკავშირებით, მათ შორის ამის შესახებ საუბარი იყო ნატოს ბოლო სამიტზე და მნიშვნელოვანია, რომ სწორედ აგვისტოს ომის 10 წლისთავზე საქართველოში ქალბატონი მერკელის პირველი ოფიციალური ვიზიტი შედგა. თავისთავად ცხადია, რომ საქართველოს პრეზიდენტთან შეხვედრაზე, პირველ რიგში საუბარი შეეხება საქართველოს უსაფრთხოების საკითხებს, ოკუპირებულ რეგიონებს, დეოკუპაციას. ამავდროულად საქართველოს ევროინტეგრაციასა და ნატოში ინტეგრაციასთან დაკავშირებულ საკითხებს და იმ გზების ძიებას, რითიც მაქსიმალურად სწრაფად და მოკლე ვადებში შესაძლებელია ეს მოხდეს და ამ კუთხით როგორი იქნება გერმანიის მხარდაჭერა.

თავისთავად ქალბატონი მერკელის ვიზიტი უკვე არის იმის მკაფიო დადასტურება, თუნ რამდენად მნიშვნელოვანი ქვეყანაა გერმანიისთვის საქართველო. ვიმედოვნებთ, რომ ქალბატონი მერკელის შეხვედრების და იმ შეხვედრების შემდგომ, რომელიც შედგება უმაღლეს დონეზე, იქნება მეტი აქტივობა, მკაფიო ნაბიჯები და ნათელი ხედვა საქართველოს ევრო და ევროატლანტიკური ინტეგრაციის გზაზე ასევე ქვეყნის უსაფრთხოების უზრუნველსაყტოფად დეოკუპაციის მიმართულებით.“- განაცხადა გიორგი აბაშიშვილმა.