თავდასხმა პარიზის გარეუბანში - ისლამისტი თავდამსხმელის მსხვერპლი მისი დედა და და გახდა

მსოფლიო - 18:10, 23 Aug, 2018

3891

პარიზიდან 26 კილომეტრში, ტრაპ-ან-იველინის კომუნაში დანით შეიარაღებული მამაკაცის თავდასხმის შედეგად ორი ადამიანი დაიღუპა და ერთი მძიმედ დაშავდა. როგორც საფრანგეთის შინაგან საქმეთა სამინიტრო იტყობინება, მოკლული ადამიანები მკვლელის და და დედა აღმოჩნდა, ხოლო დაჭრილის ვინაობის შესახებ ჯერ ინფორმაცია არაა. თავდამსხმელი პოლიციამ მოკლა.

პოლიცია ამოწმებს ვერსიას, რომლის თანახმადაც თავდასხმის მიზეზი შესაძლოა ოჯახური კონფლიქტი ყოფილიყო, საფრანგეთის შს მინისტრის განცხადებით, ჯერჯერობით ინციდენტი არ განიხილება, როგორც ტერაქტი.

თავდასხმაზე პასუხისმგებლობა ე.წ „ისლამურმა სახელმწიფომ“ აიღო, თუმცა ამის მტკიცებულება არ წარმოუდგენია. მათი საინფორმაციო რესურსი Amaq-ი იტყობინება, რომ თავდამსხმელი ISIS-ის მებრძოლი იყო.

ფრანგული მედიის ინფორმაციით, 30 წლამდე მამაკაცი თავდახმის დროს „ალაჰ აკბარს“ ყვიროდა.

თავდასხმის შემდეგ მამაკაცი სახლში შევარდა და იქიდან ყვიროდა, რომ ნებისმიერს მოკლავდა ვინც სახლში შესვლას შეეცდებოდა, ცოტა ხანში ისევ გარეთ გამოვიდა დანით ხელში, რა დროსაც ის პოლიციელებმა მოკლეს.

გავრცელებული ინფორმაციით, თავდამსხმელს სავარაუდოდ ფსიქიკური პრობლემები ქონდა.

საფრანგეთის შს მინისტრის ჟერარ კოლონის განცხადებით, მამაკაცი, რომლის ვინაობნაც ჯერ არ სახელდება. პოლიციის ყურადღების ქვეშ იყო თავისი ექსტრემისტული მსოფლმხედველობის გამო, თუმცა ის ფსიქიკურად არასტაბილური იყო და არ წარმოადგენდა იმ ადამიანს, რომელიც „ტერორისტული დაჯგუფების ინსტრუქციების შესრულებას შეძლებდა“