რუსეთის მიერ საქართველოს ოკუპაცია და მერკელის შეხვედრა პუტინთან - მამუკა ბახტაძესთან შეხვედრის დასრულების შემდეგ გამართულ პრესკონფერენციაზე, ანგელა მერკელს „საზოგადოებრივი მაუწყებლის“ ჟურნალისტმა ქეთევან ქარდავამ პუტინთან შეხვედრის თაობაზე შეკითხვა დაუსვა. ჟურნალისტის კიტხვაზე, იყო თუ არა შეხვედრის ფარგლებში საქართველოს ოკუპაციის საკითხი განხილული, მერკელმა უპასუხა, რომ „ეს არის დიდი უსამართლობა“ და ვლადიმერ პუტინმა მისი პოზიცია საქართველოსა და უკრაინის შესახებ იცის:

„მე ხვალ მექნება შესაძლებლობა, მივიდე ადმინისტრაციულ საზღვართან, სადემარკაციო ხაზთან,ს ადაც მათ შორის ევროკავშირის მისიაა წარმოდგენილი, ეს არის უსამართლობა, რაც ხდება, რუსეთის პრეზიდენტმა ჩემი პოზიცია იცის, მათ შორის უკრაინასთან დაკავშირებით, მე მას ვესაუბრები, რაღაცნაირად ეს ერთი კონტექსტია, მიუხედავა დიდი ძალისხმევისა, ძალიან ცოტა კეთდება იმისთვის, რომ ერთხელ და სამუდამოდ წარსულს ჩაბარდეს ეს დიდი უსამართლობა. ეს არ უნდა გახდეს ყოველდღიურობა, არ უნდა მოხდეს შეგუება სიტუაციასთან, ჩვენ ყოველდღიურად, მაქსიმალურად უნდა ვისაუბროთ ამაზე“, - განაცხადა ანგელა მერკელმა.