გერმანიის კანცლერი ანგელა მერკელი საქართველოს პრემიერ-მინისტრს მამუკა ბახტაძეს შეხვდა. შეხვედრის შემდგომ გამართული პრესკონფერენციისას, მერკელმა საკუთარი განცხადების გაკეთება საქართველოს ტერიტორიული მთლიანობის საკითხით დაიწყო:

„მოხარული ვარ, რომ დღეს აქ საქართველოში ვიმყოფები, ბოლოს 10 წლის წინ ვიყავი, მაშინ ხელი მოეწერა ცეცხლის შეწყვეტის შეთანხმებას, მაშინ მკაფიოდ მოვითხოვე რუსეთის ჯარების გაყვანა და რა თქმა უნდა 10 წლის შემდეგაც მხარს ვუჭერ საქართველოს ტერიტორიულ მთლიანობას, ჩვენ ამ კონფლიქტის გადაჭრაში ჩვენს წვლილს შევიტანთ“, - განაცხადა ანგელა მერკელმა.