მერკელს სურს აჩვენოს, რომ ევროპელები უპასუხოდ არ დატოვებენ რუსეთის ქმედებებს - Die Welt გერმანიის კანცლერის კავკასიაში ვიზიტს ეხმაურება

პოლიტიკა - 12:22, 23 Aug, 2018

1624

გამოცემა Die Welt გერმანიის კანცლერის კავკასიაში ვიზიტს ეხმაურება:

„ჩრდილოეთ ნაკადი 2“-ის მშენებლობით, გერმანია რუსეთზე დამოკიდებული ხდება, თუმცა გერმანიის კანცლერის საქართველოში, სომხეთსა და აზერბაიჯანში ვიზიტმა ეს შეიძლება შეცვალოს.

მერკელი სტუმრობს მთავარ გეოპოლიტიკურ რეგიონს აზიასა და ევროპას შორის, რომელშიც სიმშვიდეს ჯერ კიდევ არ დაუსადგურებია. ომი მთიანი ყარაბაღისთვის, რომელშიც ათასობით ადამიანი დაიღუპა 1990-იან წლებში, დიდი ხანია, გაყინული კონფლიქტი გახდა. რუსეთის ომი საქართველოსთან, რომელიც ამ კვირებში მეათე წლისთავს აღნიშნავს, საქაერთველოს თავისი ტერიტორიების 20% დაუჯდა. აფხაზეთისა და სამხრეთ ოსეთის რეგიონებმა დამოუკიდებლობა გამოაცხადეს, ისინი საერთაშორისო სამართლით საქართველოს ეკუთვნის, თუმცა ფაქტობრივად, რუსეთის კონტროლის ქვეშ იმყოფებიან.

ამ რთულ სიტუაციაში მერკელს სურს აჩვენოს, რომ მოსკოვისა და ბერლინის მშვიდი ტონის მიუხედავად, ევროპელები უპასუხოდ არ დატოვებენ რუსეთის ქმედებებს თავის ძველ უკანა ეზოში.

ვიზიტი ასევე, წარმოადგენს სიგნალს რუსეთის პრეზიდენტის, ვლადიმერ პუტინისთვის. გერმანია რუსეთის გაზსადენის ჩრდილოეთის ნაკადი 2“-ის მშენებლობით, გერმანია ენერგეტიკის სფეროში რუსებზე დამოკიდებული ხდება, თუმცა ფედერალურ მთავრობას არ სურს რომ ფსონი მხოლოდ მოსკოვზე დადოს.

გერმანიის კანცლერის ვიზიტი მხოლოდ ენერგეტიკულ საკითხებთან დაკაშირებული არ იქნება. მისი პირველი გაჩერება თბილისია. საქართველო- ქვეყანა, რომელიც რეგიონის ქვეყნებს შორის ყველაზე მეტად ისწრაფვის დასავლეთისკენ და 20 წელზე მეტია თაბის ინსტიტუტებს დასავლურ მოდელზე აწყობს. ამჟამად საქართველოს მთავარ სავაჭრო პარტნიორს ევროკავშირი წარმოადგენს. არსებობს ასოცირების შესახებ ხელშეკრულება და უვიზო რეჟიმი. თუმცა ბევრმა ქართველმა გერმანიაში თავშესაფარი უსაფუძვლოდ მოითხოვა და ქართველების წილიც დანაშაულის სფეროში საშუალოზე მაღალია. მერკელს სავარაუდოდ ამ საკითხზეც მოუწევს საუბარი.“- ნათქვამია გამოცემის სტატიაში.

როგორც Die Welt-ი წერს, მერკელის საქართველოში ვიზიტით რომელიმე საკითხში, მათ შორის, ჩრდილო ატლანტიკური ალიანსის წევრობასთან დაკავშირებით, მნიშვნელოვან ცვლილებას არ უნდას ველოდოთ, თუმცა მიუხედავად ამისა, გერმანიის კანცლერის კავკასიაში ვიზიტს მოსკოვი მაინც ეჭვის თვალით უყურებს.