გერმანიის კანცლერი ანგელა მერკელი საქართველოს ოფიციალური ვიზიტით დღეს ეწვევა. მერკელთან შეხვედრისას საპარლამენტო ოპოზიცია რამდენიმე თემაზე აპირებს ყურადღების გამახვილებას, მათ შორის რუსეთიდან მომდინარე საფრთხეებზე, ოკუპაციაზე, ნატო-ში გაწევრიანებასა და წინასაარჩევნო ვითარებაზე:

„ჩვენი მხრიდან უნდა ვისაუბროთ იმ გამოწვევებზე, რომელიც ჩვენს წინაშე დღეს დგას უსაფრთხოების კუტხით და ამ მიმართულებით გერმანიას უნდა ვთხოვოთ ძალიან აქტიური მხარდაჭერა ევროატლანტიკური ინტეგრაციის მიმართულებით.

ასევე ვისაუბრებთ იმ გამოწვევებზე, რომელიც დგას საქართველოში დემოკრატიის თვალსაზრისით, მოახლოებული არჩევნების შესახებ გავაცნობთ ჩვენს შეხედულებებს“-აცხადებს ნაციონალური მოძრაობის ერთ-ერთი ლიდერი სალომე სამადაშვილი.