გერმანიის კანცლერი ანგელა მერკელი საქართველოს ოფიციალური ვიზიტით დღეს ეწვევა. ანალიტიკოსები იმ ორ საკითხს გამოყოფენ, რომელიც საქართველოსთვის მნიშვნელოვანია და კანცლერთან აღნიშნულ თემებზე საუბარი აუცილებლად უნდა მოხდეს, ეს საკითხებია ოკუპაცია და ნატო-ში გაწევრიანება.

„მნიშვნელოვანია, რომ ქართულმა მხარემ აქცენტები დასვას იმ საკითხებზე როგორიცაა ოკუპაციის თემა, როგორიცაა საქართველოს ნატოში გაწევრიანება.საქართველომ ხაზი უნდა გაუსვას ქვეყნის ევროპულ პერსპექტივას“ - აცხადებს საერთაშორისო ურთიერთობების სპეციალისტი გიორგი რუხაძე.

ექსპერტების შეფასებით, გერმანია ორმხრივი ურთიერთობების კონტექსტში საქართველოსთვის ერთ-ერთი მთავარი პარტნიორი ქვეყანაა.

„უფრო მეტი სიცხადე, თუ როგორ უნდა გახდეს საქართველო ნატოს წევრი და მეორე მნიშვნელოვანი კომპონენტი რაც არის ასევე საქართველოს ოკუპირებული ტერიტორიები და რუსეთის აგრესიული რევანშიზმი“-ამბობს საქართველოს ატლანტიკური საბჭოს ვიცე-პრეზიდენტი ბათუ ქუთელია.