საქართველო რუსეთის ფედერაციის წინააღმდეგ - იუსტიციის სამინისტროს მიერ სტრასბურგში, არჩილ ტატუნაშვილის საქმეზე გაგზავნილ სარჩელს საგარეო საქმეთა მინისტრი დავით ზალკალიანი ეხმაურება. მინისტრის თქმით, აუცილებელია რუსეთისთის დადგეს სამართლიანი პასუხისმგებლობა იმ უკანოონო ქმედებებზე, რომელსაც ოკუპირებულ ტერიტორიებზე ჩადის:

„საქართველოს ხელისუფლებამ შეიტანა სარჩელი სტრასბურგის სასამართლოში და აუცილებელია რუსეთისთვის იმ უკანონო ქმედებებზე, რომელსაც ჩადის ოკუპირებულ ტერიტორიებზე, დადგეს სამართლებრივი პასუხისმგებლობა. ქართულ მხარეს მოლოდინი აქვს, რომ სტრასბურგის სასამართლო ყველა პროცედურის დაცვით განიხილავს ამ სარჩელს და მიიღებს სამართლიან გადაწყვეტილებას",- განაცხადა ზალკალიანმა.