Facebook-მა და Twitter-მა რუსეთში და ირანში შექმნილი ასეულობით ყალბი გვერდი წაშალეს

მსოფლიო - 15:15, 22 Aug, 2018

2612

კომპანიებმა Facebook-მა და Twitter-მა ასეულობით გვერდი წაშალეს, რომელიც რუსეთში და ირანში იყო შექმნილი. მიზეზად მათი „დაუზუსტებელი ქმედებები“ სახელდება.

„ეს ორი სხვადახვა კამპანიაა (რუსული და ირანული), ჩვენ არ აღმოგვიჩენია მათ შორის კავშირი ან კოორდინირებული ქმედება. თუმცა ისინი იყენებდნენ ერთნაირ ტაქტიკას - სოციალურ ქსელში ისეთი ანგარიშების შექმნა, რომელზეც ვერ გაარკვევ ვინ არიან და რას საქმიანობენ.“- ნათქვამია ფეისბუკის განცხადებაში.

ფეისბუკის ინფორმაციით, წაშლილი იქნა 650 ყალბი გვერდი, ჯგუფი და ანგარიში ირანიდან, რომელთა სამიზნესაც წარმოადგენდა ახლო აღმოსავლეთის, ლათინური ამერიკის, დიდი ბრიტანეთისა და აშშ-ის აუდიტორია.

ფეისბუკის მიერ წაშლილი რუსული გერდები (მათი რიცხვი არ კონკრეტდება), თავის მხრივ „შესაძლოა დაკავშირებული ყოფილიყვნენ წყაროებთან, რომლებიც, როგორც აშშ-ის ხელისუფლებამ ადრე დაადგინა, წარმოადგენენ რუსულ სამხედრო დაზვერვის სამსახურებს.“- ნათქვამია ფეისბუკის განცხადებაში.

კომპანიის განცხადებით, ფეისბუკი კრძალავს მსგავს ქმედებებს, რადგან სურთ რომ ადამიანები ენდობოდნენ იმ კავშირებს, რომლებსაც ისინი ფეისბუკის მეშვეობით ამყარებენ.

Twitter-მა თავის მხრივ განაცხადა, რომ წაშალა 280 ანგარიში, რომლებიც „დაკავებული იყვნენ კოორდინირებული მანიპულაციით“, მათი უმრავლესობა ირანიდანაა.