"უკვე ნათელია, რომ ჩვენ ამ არჩევნებს მოვიგებთ"- "ძალა ერთობაშიას" კამპანიას მარნეულში ასობით ადამიანი შეუერთდა

პოლიტიკა - 14:40, 22 Aug, 2018

4668

მოძრაობა "ძალა ერთობაშიას" საპრეზიდენტო კანდიდატი გრიგოლ ვაშაძე სხვა ოპოზიციურ ლიდერებთან ერთად მარნეულის მოსახლეობას ხვდება. მოსახლეობის განცხადებით მთავარი პრობლემა უმუშევრობაა.
გრიგოლ ვაშაძემ ადგილობრივ მოსახლეობას კიდევ ერთხელ მიულოცა ყურბან ბაირამის დღესასწაული და განაცხადა რომ კამოანია "ძალა ერთობაშიას" მარნეულში ასეულობით ადამიანი შეუერთდა.
"არაფერი ისე არ უხდება ამ დღესასწაულს, როგორც ერთობა. ეს არის ის გუნდი რომელიც შემოგვიერთდა და დარწმუნებული ვარ კიდევ უფრო მეტი შემოგვიერთდება, როგოც პოლიტიკური ორგანიზაცია, ისე კერძო მოქალაქე და მინდა გითხრათ ნუ დააყოვნებთ, იმიტომ რომ ჩვენი გაერთიანება ნიშნავს საქართველოში უძრაობის და წარუმატებლობის დასრულებას. ამას ჩვენ სულ ყველა ერთად შევძლებთ. ამ ერთობით დღეს უკვე ნათელია, რომ ჩვენ ამ არჩევნებს მოვიგებთ. ეს უკვე გასაგებია ამომრჩევლებისთვისაც და ხელისუფლებისთვისაც. ხელისუფლება ისტერიულად ცდილობს გამოსავლის პოვნას, გამოსავალი იქნება კაბინეტებიდან გამოსვლა და ხელისუფლების ნებაყოფლობით დატოვება. ამ ხალხს, ხელისუფლებაში დარჩენის პოლიტიკური, სამართლებრივი და მორალური უფლება არ აქვს. მათ საქართველოს 6 წელი მოპარეს. თუ სინდისი შერჩათ აღარ უნდა ეცადონ კიდევ რამდენიმე წლის მოპარვას, ამის საშუალებას ჩვენ არ მივცემთ. "- განაცხადა გრიგოლ ვაშაძემ.