ოკუპირებული ცხინვალის ციხეში წამებით მოკლული არჩილ ტატუნაშვილის მამამ გიორგი ტატუნაშვილმა დღეს პრესკონფერენცია გამართა, სადაც განაცხადა, რომ იმედოვნებს, ადრე თუ გვიან მისი შვილის მკვლელები დაისჯებიან. ტატუნაშვილის ოჯახს სტრასბურგის სასამართლოში სარჩელი შეაქვს:

„მე კომპენსაციით დაინტერესებული არ ვარ. დაინტერესებული ვარ იმით, რომ ჩემი შვილის მწამებლები და მკვლელები, როცა იქნება მოხვდნენ განსასჯელის სკამზე. ალბათ მოვა ეს დრო. ეს არის ჩემი ნატვრა. დღე და ღამე ამას ვფიქრობ, რომ ისინი ვიხილო განსასჯელის სკამზე",-განაცხადა ტატუნაშვილმა.