2019 წლის ბოლოსთვის ყვითელი ავტობუსების პარკი სრულად იქნება ჩანაცვლებული. დედაქალაქის მერის კახა კალაძის განცხადებით, წლის ბოლოს თბილისში მანის ტიპის, ეკოლოგიურად სუფთა, 90 ახალი ავტობუსი შემოვა:

"წლის ბოლოს მანის ტიპის, ეკოლოგიურად სუფთა, 90 ახალი ავტობუსი შემოვა. ამის პარალელურად მერიამ უკვე დაიწყო 220 ერთეულ 8-მეტრიანი ახალი ეკოლოგიურად სუფთა ავტობუსების შესყიდვის პროცესი.

როგორც დავპირდით მოსახლეობას, 2019 წლის ბოლოსთვის 550 ახალი ერთეული ავტობუსი იქნება შემოყვანილი. არსებული ყვითელი ავტობუსების პარკი იქნება სრულად ჩანაცვლებული.

გარდა ამისა, მთელი ქალაქის მასშტაბით ჩვენ დაწყებული გვაქვს სატრანსპორტო კვლევა და რამდენიმე თვეში ზუსტად გვეცოდინება, არის თუ არა იმის საჭიროება, რომ კიდევ დავამატოთ ავტობუსები. საჭირო იქნება თუ არა 2020-2021 წლებში ავტობუსების დამატებით შემოყვანა იმისთვის, რომ გადაადგილება უფრო სწრაფი და კომფორტული გახდეს, ამას კვლევა გვაჩვენებს," - განაცხადა კახა კალაძემ.